Umwe mu bagabo bari baramamaye mu mukino wo guterura ibiremereye yapfuye ku myaka 30 y'amavuko nyuma yo kurya amafunguro menshi ubwo yiteguraga irushanwa ryo kugabanya ibiro.
Uwo mugabo uzwi nka Dmity Nuyanzin wo mu gace ka Orenburg mu Gihugu cy'Uburusiya, akaba yari amaze kugira abamukurikira ku rubuga rwa Instagram barenga 43,000 kubera ko ariho yanyuzaga amashusho y'ibyo akora.
Dmity yateganyaga kunguka ibindi biro 25 mbere y'uko yitabira iryo rushanwa ryo gutakaza ibiro.
Nk'uko amakuru abivuga uwo mugabo Nuyanzin yaryaga inshuro 4 ku munsi amafunguro arimo 'Calories' nyinshi.
Aganira n'abakunzi be kuri iyi ntego Dmity yagize ati:"Nshuti zanjye , isomo ryanjye ryo gutakaza ibiro riratangira mukanya , aho mushobora gutsindira ibihembo ndetse mukanagira umubiri mwiza. Muziga uko barya neza, gukora imyitozo , kandi nanjye nzatakaza ibiro hamwe n'abanyeshuri banjye. Nukuri bizaba bitangaje".
Yakomeje agira ati:"Ubu ndimo kongera ibiro kuko nshaka kubitakaza mu minsi iri imbere kandi ibi mubona birimo Calories 10,000. Mu gitondo mba mfite isahani n'igice cya Cake 🍰. Mu mafunguro ya Saa Sita mfata amagarama 800 y'amafunguro arimo na Mayonezi. Mu munsi hagati mafata utwo kurya tworoheje ndetse na nimugoroba bikaba uko. Mba mfite 'Burger' ndetse na 'Pizza' ntayo nkabifatira kuri 'Cafe' cyangwa bakabinzanira".
Mu gihe cy'ukwezi , Nuyanzin yatakaje ibiro aca ku biro 92 agera ku 105 bisobanuye ko yiyongereyeho 13 mu gihe gito.
Avuga ko kandi yahagaritse ibya gym abwira inshuti ze ko yagaritse kujya muri gym ndetse ko ateganya kureba abaganga. Uyu mugabo yapfuye ubwo yari aryamye.
