Umuhanzikazi w’Umunyamerika Cardi B yagaragaje agahinda n’uburakari nyuma y’urupfu rwa Javits Frimpong, umwangavu w’imyaka 15 ukomoka muri Ghana, warasiwe mu mujyi wa New York ubwo yari mu nzira ajya ku ishuri.
Yagize ati: "Ibyabaye kuri Javits ni byo bituma ntazigera ndere umwana muri Bronx, Harlem cyangwa Washington Heights.
Sinifuza ko abana banjye biga mu mashuri ya Leta yo muri New York."
Uyu muhanzikazi yavuze ko gukurira mu duce tumwe na tumwe two muri New York bishobora kuba urugamba rukomeye ku bana, cyane cyane abahura n'iterabwoba, ivangura n'ihohoterwa rikorerwa mu mashuri.
Cardi B yanagarutse ku kibazo cy'iterabwoba rishingiye ku gutotezwa (bullying), avuga ko abana bahora bahohoterwa na bagenzi babo bashobora kugera aho bashaka kwinjira mu mitwe y'abagizi ba nabi kugira ngo babone uburinzi n'abo bishyira hamwe.
Yasobanuye ko na we yahuye n'ibibazo nk'ibyo akiri umwana, ku buryo rimwe na rimwe yumvaga kwifatanya n'itsinda ry'abandi ari bwo buryo bwo kwirinda gukomeza gutotezwa.
Yasabye ababyeyi kwigisha abana babo kubaha abandi no kubana neza, agaragaza ko uburere bwiza butangirira mu miryango.
Urupfu rwa Javits Frimpong rwateye agahinda benshi ubwo ,
Javits Frimpong yarashwe ku wa Kane, tariki ya 29 Ukwakira 2026, hafi ya East 171st Street na Crotona Park Place mu gace ka Bronx, ubwo yari mu nzira ajya ku ishuri rya DreamYard Preparatory School.
Uyu mwana yari yaravuye muri Ghana akajya kuba na se muri Amerika mu mwaka wa 2025. Nyuma yo kuraswa mu nda, yirutse intera y'ahagana ku muhanda umwe, agwa hafi y'ibitaro bya St. Barnabas Hospital, aho yaje kwitabira Imana.
Se wa Javtis, Thomas Frimpong, yavuze ko yari yaramenyeshejwe n'ubuyobozi bw'ishuri ko umuhungu we yatotezwaga na bamwe mu banyeshuri, ndetse ko abanyeshuri babiri bari bamaze guhagarikwa mu ishuri icyumweru kubera icyo kibazo.
Nubwo umuryango we ukeka ko gutotezwa byaba bifitanye isano n'urupfu rwe, inzego z'umutekano ntizari zemeza ku mugaragaro icyateye ubwo bwicanyi.
Polisi yari igishakisha abasore batatu bakekwaho kugira uruhare muri ubwo bwicanyi.
Urupfu rwa Javits rwakomeje gukurura uburakari n'agahinda mu muryango nyafurika uba muri Amerika, ruba n'impamvu yo kongera kwibaza ku mutekano w'abana ku mashuri no ku ngaruka zo gutotezwa.
Soma Izindi Nkuru Zishamikiyeho:
Trump Yemeye Kwihutisha Visa y'Umubyeyi w’umwana wiciwe muri New York umunsi.com
Ibyifuzo by’abasomyi
