REG VC na POLICE WVC nizo zegukanye irushanwa Kirehe Open Volleyball Tournament 2026 nyuma yo gutsinda APR VC na RRA WVC mu gihe KIREHE VC yegukannye umwanya wa gatatu itsinze POLICE VC.
Guhera Tariki 2 kugeza tariki 4 Ukwakira 2026 mu Karere ka Kirehe intara y'Iburasirazuba haberaga irushanwa Kirehe Open Volleyball Tournament 2026 ryateguwe na Karere ka Kirehe n'ishyirahamwe ry'umukino w'amaboko (VolleyBall) FRVB mu Rwanda.
Tariki 4 Ukwakira 2026 nibwo habaye imikino ya nyuma mu byiciro byose (Abagabo, Abagore, Ingimbi, n'abakanyujijeho) ndetse no guhatanira umwanya wa gatatu mu bagabo.
Mbere y'uko bakina imikino ya nyuma (Final ) habanje gukora Siporo Rusange yahuje abakinnyi bari bitabiriye irushanwa ndetse n'abaturage ba Karere ka Kirehe ahatanzwe ubutumwa bwo kurwanya kunywa inzoga z'icyuma n'ibiyobyabwenge.
Umuyobozi w'AKarere ka Kirehe Rangira Bruno yagize : "Yasabye abitabiriye iyi siporo kwirinda ibiyobyabwenge n’inzoga itemewe kugira ngo bagire ubuzima bwiza, avuga ko nta terambere rishoboka mu gihe umuntu ari umusinzi; abasaba kandi gukomeza gukunda gukora siporo, no kunoza umurimo mu kwiteza imbere.
Umukino wa nyuma ( Final) Mu Bagabo wahuje APR VC na REG VC maze APR VC itsindwa na REG VC amaseti 3-2 ( 26-28, 19-25, 26-24, 28-26 na 11-15).
Umukino wa nyuma mu Bagore Police WVC yonge ya e gutsinda RRA WVC amaseti 3-0 (25-19,25-23,22-25)
Mu ngimbi UPN/Gakoni VC yatsinze RUSUMO HS VC Amaseti 3-1.
( 22-25, 25-20, 25-18, 25-10).
Mu bakanyujijeho RELAX VC yatsinzwe na KIREHE Legends VC amaseti 2-1
(19-25, 25-23, 25-23).
Ibihembo
Amakipe yahembwe kuburyo bukurukira
Mu Bagabo REG VC yegukannye igikombe na Miliyoni (1000000 FRW).
APR VC yabaye iya kabiri yahembwe ibihumbi maganatanu (500000 FRW) naho Kirehe VC yegukanye umwanya wa gatatu yahembwe ibihumbi maganatatu (300000 FRW). Ndetse no mu Bagore niko byagenze.
Mu gusoza iri rushanwa umushyitsi mukuru yari Umunyamabanga uhoraho muri Minisiteri ya Siporo Ngabo Brave nawe watanze ubutumwa bwo kwiririnda ibiyobyabwenge n'inzoga z'icyuma aho :" Yasabye abitabiriye Kirehe Open Volleyball Tournament 2026 kwirinda ibiyobyabwenge, no kwirinda inzoga zitemewe, ati: "Ntabwo wanywa icyuma, ibiyobyabwenge, ngo ube umusiporutifu mwiza; turabasabye mwirinde kugira ngo mugire ubuzima bwiza."
Ibyifuzo by’abasomyi
