Nyuma y'uko Gisaka Open volleyball Tournament yarimaze imyaka ibiri itaba yagarutse mu isura nshya ya Kirehe Open Volleyball Tournament. Ikaba izajya iba ngarukamwaka.
Iri rushanwa mbere ryitwaga Gisaka Open VolleyBall Tournent" rikaba ryaherukaga kuba muri 2023 bivuze ko ryari rimaze imyaka ibiri ritaba.
Kirehe Open VolleyBall Tournament uyu mwaka wa 2026 izitabirwa n'amakipe yo mu cyiciro cya mbere mu bagabo n'abagore, abakanyujijeho ndetse n'abato.
Amakipe atandatatu (6) mu Bagabo niyo azaryitabita ariyo:
Kirehe, APR,REG, Police,Gisagara na EAUR .
Amakipe atatu(3) yo mu Bagore ariyo:
Police,RRA na Polytechnic Kigali (RPK)
Amakipe abiri (2) y'abakanyujijeho (Vetrans) ariyo :
Relax VC na Kirehe Legends VC
Amakipe atatu (3) yo mu Bato (Junior) ariyo:
Rusumo Hight School, UPN /Gakoni na Bukora TSS.
Mu 2023, ubwo Gisaka Open VolleyBall Tournament yaherukaga nibwo yaherukaga kuba itarahindurirwa izina ngo yitwe Kirehe Open VolleyBall Tournament icyo gihe igikombe cyegukanywe na Police VC mu bagabo itsinze Gisagara VC.
Mu Bagore cyegulanwa na RRA VC itsinze Police WVC.
Umuyobozi wa Kirehe VC Sebikwekwe Cyprien yavuze ko nyuma yo kubona ikibuga kiza, cyubatswe kubufatanye n’Akarere ka Kirehe na kompanyi ya “Rusumo Plant Company” bageze kure bubaka ikipe igomba guhatana aho kuza ije gukina nk'uko byagenze umwaka ushize.
Ati " Ikipe twari dufite umwaka ushize yarakinaga ariko ubu turi kubaka ikipe izaza guhatana, uko mwari muzi Kirehe VC mbere y'uko ihagarikwa, ubu twagarutse dufite ikipe nziza, abakinnyi bacu turi kubategura neza mu buryo bwose bushoboka."kuko uyu mwaka Kirehe VC neza nyuma yo kuzana umutoza Viateur ndetse ikagura n'abakinnyi bashya abantu bazabona muri iri rushanwa.
Kirehe Open volleyball Tournament, n'irushanwa ngarukamwaka (rizajya riba buri mwaka nk'uko byahoze) kuko ubu ku nshuro ya 4 rigiye kuba rikazatangira gukinwa ku wa gatanu tariki 02 - 04 Ukwakira 2026,aho imikino izabera mu nyubako nshya y'imyidagaduro (Gymnase) yubatswe kubufatanye bwa Karere ka Kirehe na Rusumo plant Campany.
Iyi mikino ikaba iri mu rwego rwo kwitegura shampiyona y'uyu mwaka mushya w'imikino wa 2026-27 uteganyijwe gutangira taliki ya 16 Ukwakira 2026.
Uko imikino
izagenda n'uko amakipe yagabanyijwe mu matsinda mu Bagabo
Pool A
Kirehe VC
Gisagara VC
APR VC
Pool B
REG VC
Police VC
EAUR VC
Imikino izatangira ku isaha ya Saa ine ku wa gatanu tariki 02 Ukwakira 2026
Imikino ya kimwe cya kabiri (1/2) izaba ku wa gatandatu tariki 03 Ukwakira 2026 naho imikono ya nyuma no guhatanira Umwanya wa 3 izaba ku cyumweru tariki 04 Ukwakira 2026 ari nabwo irushanwa rizaba rizasozwa ku mugaragaro.
Ibyifuzo by’abasomyi
