Nyuma y'umukino wahuje Argentine n'Ubwongereza hagiye hanze amashusho agaragaza Jude Bellingham usanzwe akinira ikipe y'Igihugu y'Ubwongereza arimo gukubita urushyi Valentin Barco wa Argentine ubwo umuyobozi w'umukino yari amaze kuwurangiza.
Ni mu mukino waranzwe n'ishyaka ryinshi gusa Ubwongereza bukananirwa guhagarara ku gitego bwari bwatsinze mu minota ya mbere y'igice cya Kabiri bigatuma Argentine icyishyura igatsinda n'ikindi.
Hagati mu mukino Jude Bellingham yakunze kugaragara arimo gushyamirana n'abakinnyi batandukanye barimo na Lionel Messi wasaga n'utari ushaka gutera amahane ubwo Jude yari ashaka ko bakomeza impaka za ngo 'Turwane'.
Ubwo umukino wari urangiye Argentine irimo kwishimira instinzi ya 2:1 , Jude yegereye Barco Valentin amukubita urushyi dore ko yasaga n'uwihebye ahagaze wenyine.
Barco Valentin yahise amuhindukirana , amashusho yafashe na BBC agaragaza Jude Bellingham na Barco Valentin batandukanywa na Nico Paz mbere y'uko Nicolas Otamendi yazaga agasunika Bellingham.
N'ubwo ntakiratangazwa kugeza ubu , amakuru avuga ko Jude w'imyaka 23 ashobora gufatirwa ibihano na FIFA kubera imyitwarire mibi yagaragaje.
