Amavubi ikomeje kwandika amateka mu rugendo rwo gushaka itike y’Igikombe cya Afurika Pamoja cya 2027 (AFCON 2027 Pamoja), itsindira Cap-Vert iwabo ibitego 2-1 mu mukino wabereye kuri Estádio Nacional Tubarões Azuis
Amavubi akomeje kwandika amateka mu rugendo rwo gushaka itike y’Igikombe cya Afurika Pamoja cya 2027 (AFCON 2027 Pamoja), itsindira Cap-Vert iwabo ibitego 2-1 mu mukino wabereye kuri Estádio Nacional Tubarões Azuis
Ku mugoroba wo kuri uyu wa Kabiri tariki 29 Nzeri 2026.
Uyu mukino watangiye ku isaha saa kumi n'ebyiri (18:00) ku isaha yo mu Rwanda akaba ari saa cyenda (15:00) zo muri Cap Vert.
Umutoza w’u Rwanda, Stephen Constantine, yari yakoze impinduka imwe, ku ikipe yabanjemo kuri Mugisha Gilbert asimbura Kwizera Jojea mu bakinnyi 11 babanje mu kibuga.
Cap-Vert yari imbere y’abafana bayo, yihariye umupira cyane umukino ugitangira.
Ku munota wa 5 yabonye coup-franc ku ikosa Bizimana Djihad yakoreye Ayoni Santos, rihanwe na Sidny Cabral umupira ujya ku ruhande rw’izamu.
Bidatinze Cap-Vert yahise igerageza uburyo bw’ishoti ryatewe na Telmo Gomes, umupira ujya ku ruhande gato ndetse Ntwari Fiacre wari wawukurikiye akubita umutwe ku giti cy’izamu.
Umupira wahagaze ubwo bavura Umuzamu w'Amavubi avurwa mbere y’uko umukino ukomeza.
Ku munota wa 15 ubwo Leroy Jacques Mickels yakinanaga na Niyomugabo Claude wahinduye umupira wabisikanye na Vozinha Dias wari usohotse, ariko hakabura mugenzi wabo uwukina.
Ku munota wa 22 Leroy Jacques Mickels yahinduye umupira mwiza mu rubuga rw’amahina ashaka mukuru we, Joy-Lance Mickels, ariko ntiyawugeraho.
Ku munota wa 32, Cap-Vert yahawe coup-franc itewe na Sidny Cabral ikurwaho na Mutsinzi Ange n’umutwe.
Amavubi na yo yongeye kubona uburyo bw’umupira uteretse watewe na Leroy-Jacques Mickels ujya hejuru y’izamu gato.
Ku munota wa 40, Cap-Vert yafunguye amazamu ku gitego cyatsinzwe na Gilson Benchimol Tavares ku mupira wahinduwe na Ryan Mende
Amavubi ntiyigeze acika intege yakomeje gukoresha imbaraga nyinshi ashaka uko igitego cyo kwishyura.
Iminota miringo ine n'itanu yarangiye Cape vert iyoboye n'igitego 1-0.
Umusifuzi wa kane yongeyeho iminota yinyongera.
Maze ku munota wa Kabiri winyongera (45+2) Amavubi abifashijwemo na Niyomugabo Claude yishyura igitego igitego ku ishoti yateye ku mupira yarahawe na Joy-Lance Mickey
Amakipe yombi yagiye kuruhuka anganya igitego 1-1.
Mu gice cya kabiri
Mu gice cya kabiri umutoza w'Amavubi yakoze impinduka ya mbere yinjiza
Iradukunda Elie Tatou asimbuye Biramahire Abedy.
Ku munota wa 51 Amavubi yabonye igitego cya Kabiri cyatsinzwe na Elie Tatou ku mupira mwiza yarahawe na Joy-Lance Mickels.
Cap-Vert yakomeje gusatira cyane
ishaka uko yagombogora igitego. Ari nako ikora impinduka zitandukanye.
Ku munota wa 68 Umutoza w'Amavubi yakoze impinduka Noam Emeran yinjira mu kibuga asimbuye Mugisha Gilbert wari wabonye ikarita y'umuhondo bituma atazakina umukino wa Mali uteganyijjwe kuzabera muri mali tariki 11 Ugushyingo 2026.
Naom Emeran niwo mukino we wa mbere akiniye Amavubi kuko na Papa we ik Fritz Emeran Nkusi yakiniye Amavubi mu mwaka 2007.
Izi mpinduka amakipe yagiye akora ntacyo zahinduye,maze umukino urangira Amavubi abonye itsinzi ya kabiri yikurikiranya mu mikino yo gushaka itike yo kuzaja mu gikombe cy'afurika Pamoja kizabera muri Tanzania,Kenya na Uganda umwaka utaha wa 2027.
Nyuma y’umukino, hakomejwe kwandikwa ubutumwa bwinshi bushimira Amavubi bunabashishikariza gukomeza uwo murava.
Minisitiri wa Siporo Nelly Mukazayire mu butumwa yageneye Amavubi Yagize ati:
“Mwakoze gukotana mukagaragaza ko muri bato batari gito. Mukomereze aho, murashoboye kandi murashyigikiwe. Mukomezanye ishyaka, ikinyabupfura no kudateshuka ku ntego ya AFCON 2027 kugira ngo u Rwanda rweme.”
Amavubi akaba ayoboye itsinda K aho anganya amanota 6 na Mali yaraye itsinze Liberia igitego 1-0.
Amavubi azongera gukina mu Gushyingo akinana Mali mu mikino ibiri. Ariko tariki 5 Ukwakira 2026 azakina na Kenya kuri Stade Amahoro mu mukino wa Gicuti.
Ibyifuzo by’abasomyi
