Cristiano Ronaldo yateye umugongo Ikipe y'Igihugu yigira gukorera amafaranga muri Saudi Arabia

Nyuma yo kuvugwaho kudahuza n'Umutoza w'Ikipe y'Igihugu ya Portugal, Rurangiranwa mu mupira w'amaguru ku Isi Cristiano Ronaldo akikura mu mwiherero w'Ikipe y'Igihugu ya Portugal yamaze kugera muri Saudi Arabia nyuma yo guca muri Espagne aho umuryango we uri kubarizwa.

Mu mpera za Nzeri 2026, nibwo Ikipe y'Igihugu ya Portugal yari ifite imikino n'ibihugu bitandukanye birimo Norvege na Denmark, yari yitezweho gutanga ikinyuranyo ku mibare y'ibitego bya C. Ronaldo, Nyuma yo kuva mu gikombe cy'Isi 2026 amaramasa.

Ku mukino wa Mbere wagombaga guhuza Portugal na Norvege, Umutoza wa Portugal, Jorge Jesus yahisemo kudakinisha Ronaldo cyakora atsinda uyu mukino ku bitego 2-1.

Nubwo Portugal yatsinze uyu mukino, Cristiano Ronaldo yababajwe bikomeye no kudahabwa umwanya ngo ajye mu kibuga, ndetse byatumye yigumura ntiyasubira mu myitozo n'abandi bakinnyi biteguraga Umukino wagombaga gukurikiraho uhuza Portugal na Denmark kuwa 01 Ukwakira 2026 Cyakora nawo Portugal ikawutsinda ibitego 4 kuri 2 bya Denmark.

Ntibyarangiriye aho kuko mu masaha make Cristiano Ronaldo yahise afata Indege asubira muri Portugal Aho yavuye yerekeza muri Espagne asanze umuryango we.

Nyuma yaho ubuyobozi bw'Ikipe y'Igihugu na Minisiteri ya Siporo Muri Portugal yatangaje ko bagiye gukora Ibishoboka akagaruka mu Ikipe Kandi bagacoca Ibibazo yari afitanye na Jorge Jesus, Umutoza we.

Cyakora Nubwo byatangajwe uko, Ronaldo yakomeje kubabazwa na byinshi nko kuba Nimero ye yambaraga yarahise ihabwa Undi mukinnyi, ibyafashwe nko kumusuzugura.

Kugeza aka kanya nk'uko amafoto n'amashusho mashya abigaragaza, Cristiano Ronaldo yavuye muri Espagne aho yari kumwe n'umuryango we, yigira Muri Saudi Arabia gushaka Ubutunzi mu Ikipe ya Al Nassri asanzwe akinira.

Ibi bivuze byinshi birimo kuba yateye umugongo Ibyo kuganira n'Ubuyobozi bwa Siporo Muri Portugal, ibishobora gusaba izindi mbaraga kugira ngo agarurwe muri iyi Kipe y'Igihugu cye cya Portugal.