Ikipe ya Arsenal yegukanye igikombe cya Shampiyona y’Icyiciro cya Mbere mu Bwongereza nyuma y’imyaka 22 idatwara iri rushanwa, ikaba yaherukaga kuryegukana mu 2004.
Iyi kipe itoza na Mikel Arteta yemeje aya mateka nyuma y’uko Manchester City inganyije na AFC Bournemouth igitego 1-1 mu mukino wabaye ku wa Kabiri nimugoroba.
Mu mikino 37 imaze gukinwa muri Premier League, Arsenal yari ifite amanota 82, ikarusha Manchester City amanota ane mbere y’umukino wa nyuma wa shampiyona. Byatumye bidasubirwaho Arsenal yegukana igikombe kuko n’iyo yatsindwa umukino wa nyuma, Manchester City ntiyari kuyigeraho mu manota.
Iki gikombe ni kimwe mu by’ingenzi iyi kipe yegukanye mu myaka ya vuba, nyuma y’igihe kinini abakunzi bayo bategereje kongera kubona Arsenal iri ku rwego rwo hejuru muri shampiyona y’u Bwongereza.
Aya mateka aje kandi mu gihe Arsenal iri kwitegura umukino wa nyuma wa UEFA Champions League Final uzayihuza na Paris Saint-Germain ku wa 30 Gicurasi i Budapest muri Budapest.
Ibyifuzo by’abasomyi
