Amavubi U-17 yageze muri 1/2 cya CECAFA QUALFIERS mu gushaka itike yo kujya mu Gikombe cya Afurika 2027.

Amavubi y’Abatarengeje imyaka 17( U-17), yageze muri 1/2 cya CECAFA QUALFIERS mu guhatanira itike yo kuzajya mu gikombe cy'afurika cyabatarengeje imyaka 17 kizabera muri Marocco 2027, ni nyuma yo gutsinda Sudani ibitego 2-0 ku mukino usoza itsinda A.

Ni Umukino wabaye ku wa gatatu tariki 14 Ukwakira 2026 ku isaha ya moya (19H00) kuri Kigali Pelé Stadium. Ni Umukino wasozaga itsinda A. Ni umukino Amavubi U-17 yasabwaga gutsinda cyangwa kunganya kugira ngo agere muri 1/2.

Amavubi U- 17 yaatangiye umukino ari hejuru, asatira cyane izamu rya Sudani U-17 ndetse abona uburyo butandukanye bwo gutsinda, gusa umunyezamu wa Sudan U-17 akomeza kwitwara neza.

Ku munota wa 44, Amavubi U-17, yafunguye amazamu ku gitego cyatsinzwe na Bahati Pacifique ku mupira yatereye inyuma gato y’urubuga rw’amahina, ukubita hejuru mu izamu mbere yo kwidunda hasi.

Igice cya mbere cyarangiye Amavubi U-17 ayoboye n'igitego 1-0 Sudan U-17.

Mu gice cya kabiri

Amavubi U-17 yakomeje kwiharira umukino no kurema uburyo bwashoboraga kuvamo ibitego, ariko ntiyabubyaza umusaruro uko bikwiye.

Amakipe yombi yakoze impinduka kugira ngo arebe ko yabona igitego ku mpande zombi ariko bikomeza kunanirana.

Iminota mirongo icyenda yarangiye Amavubi U-17 ayoboye n'igitego 1-0.

Umusifuzi wa Kane yongeyeho iminota yinyongera.

Amavubi U-17 yabonye igitego cya Kabiri cyatsinzwe na Tuyizere Valentin.

Umukino warangiye U Rwanda rutsinze Sudani ibitego 2-0. Maze ruhita rubona itike ya 1/2 aho ruzahura na Somalia.

 Ni umukino uzaba ufite byinshi uvuze ku Rwanda kuko gutsinda Somalia bizahita bihesha itike yo gukina Igikombe cya Afurika cy’Abatarengeje imyaka 17.

Undi mukino wa 1/2 uzahuza Uganda yarangije iyoboye Itsinda B na Ethiopia yabaye ikipe yitwaye neza muri iri rushanwa.

Akarere ka CECAFA kazatanga amakipe atatu azahagararira aka karere mu Gikombe cya Afurika cy’Abatarengeje imyaka 17 kizabera muri Maroc mu 2027.