Uwimana Evariste, umusaza w’imyaka 60 utuye mu Mudugudu wa Karuhimbana, Akagari ka Kabatwa, Umurenge wa Kigoma mu Karere ka Huye, arasaba gufashwa kugira ngo abone ubushobozi bwo gushinga urugo, nyuma y’imyaka myinshi amaze ari ingaragu.
Uyu musaza avuga ko yanyuze mu buzima bugoye kuva akiri umwana, bikaba byaramugizeho ingaruka kugeza n’ubu. Mu bimugora harimo kubura ubushobozi bwo kwiyubakira inzu no kubona amafaranga yo gushaka umugore.
Mu kiganiro yagiranye n’umunyamakuru wa TV1, Uwimana yagaragaye atambaye inkweto, avuga ko yagerageje gusaba ubufasha ariko ntibigire icyo bitanga, kuko hari abamubwiraga ko yacukijwe.
Yavuze ko kugeza ubu atarabona ubushobozi bwo gushaka umugore, kandi ko abari kumufasha muri iki kibazo na bo bamaze kwitaba Imana.
"Kugeza uyu munsi nta bubasha mfite bwo kuba nazana umugore. N’abakabaye bamfasha bitabye Imana, ubu nta bariho. Kandi ndabizi inzu ya kino gihe kuyizamura irahenze, n’iyo nkwano," ko Uwimana Evariste yagize ati.
Umuturage wo mu Murenge wa Kigoma yavuze ko Uwimana yakuze abana na nyina nyuma y’uko se apfuye akiri muto. Uwo muturage avuga ko uyu musaza yakoresheje imbaraga ze zo mu busore yita ku muryango, ariko ntabashe kwiteza imbere ku buryo yari kwishingira urugo rwe.
Yagize ati: "Ababyeyi bapfuye akiri umwana muto cyane. Yari yubatse, isenyuka atarongoye, acumbika mu nzu y’iwabo bamaze gusaza. Ubu nta bushobozi afite, ni umukene udashobora kwishakira umugore. Nta bundi burwayi tumuziho."
Nubwo imyaka ye ikomeje kwiyongera, Uwimana avuga ko agifite icyifuzo cyo gushaka umugore, ariko ko kubura ubushobozi bw’amafaranga bikamubera inzitizi.
Nk’uko amakuru dukesha IGIHE abigaragaza, Umunyamabanga Nshingwabikorwa w’Umurenge wa Kigoma, Hakuzimana Jean Baptiste, yavuze ko ubuyobozi busanzwe bukurikirana abaturage bafite ibibazo by’imibereho, bukabafasha gushaka ibisubizo byatuma bagera ku iterambere.
Yavuze ko abaturage bafite ibibazo by’imibereho itameze neza bakwiye kwegera ubuyobozi kugira ngo baganirizwe kandi harebwe uko bafashwa.
Gitifu Hakuzimana ati: "Abandi bafite ibibazo by’imibereho itameze neza na bo bajye batwegera, niba batumvikanye mu midugudu badusange."
Gitifu Hakuzimana yongeyeho ko mu Murenge wa Kigoma bari gukurikirana imiryango 1,200 mu rwego rwo kuyifasha kuva mu bukene.
Icyakora, mu makuru yatangajwe, nta bisobanuro birambuye byatanzwe ku bufasha bwihariye bushobora guhabwa Uwimana kugira ngo abashe kwiyubakira inzu cyangwa gushinga urugo.
Inkuru ya Uwimana Evariste igaragaza zimwe mu mbogamizi z’imibereho zishobora gutuma umuntu atagera ku ntego yifuzaga mu buzima. Ku myaka 60, avuga ko agifite icyifuzo cyo gushaka umugore, ariko ko ubukene n’ukutagira ubushobozi bwo kwiyubakira inzu bikomeje kumubera inzitizi.
