Tariki 23 Ukwakira 2026 Mu bu Fransa,Nkuko byatangajwe na Minisitiri w’Umutekano w’Imbere mu Gihugu, Laurent Nuñez, yabwiye ibitangazamakuru byo mu Bufaransa ko abantu bagera ku 1,000 batawe muri yombi mu myigaragambyo imaze gufata indi ntera yabereye mu gihugu hose.
Ubu bwije mu Bufaransa, abigaragambya mu bice bitandukanye by’igihugu bari guhangana na polisi y'iParis, aho abagera ku 110,000 bakoze urugendo mu rwego rw’imyigaragambyo yabereye mu gihugu hose muri rusange
Ubu harimo kucaracara amashusho y’abigaragambya mu gace ka Porte de Vincennes i Paris, batera amabuye,ibikiresho inzego z’umutekano, Abigaragambya barimo kubaka za bariyeri zigizwe n'ibikoresho bahangana na Polisi.
Ibi byabaye nyuma y' ibikorwa byari byabanje byo guhungabanya umutekano mu yindi mijyi yo mu Bufaransa harimo I Bordeaux, Aho abantu bagaragaye basenya imbaho zari kuma duka, nyuma bakazikoresha mu kubaka za bariyeri.
Polisi yakoresheje ibyuka biryana mu maso (Tear Gas) mu mijyi itandukanye yo mu Bufaransa mu gihe imyigaragambyo yarimbanyaga.Mu mujyi wa Lyon, hakoreshejwe ibisasu birimo ibyuka biryana mu maso mu rwego rwo guhosha imbaga y’abantu bari bateraniye aho, mu gihe amashusho y’imyigaragambyo yo mu mujyi wa Marseille na yo agaragaza polisi ikoresha ibyo byuka ku bigaragambya.
Umwe mu bigaragambyaga i Lyon yagize ati: “Twari abantu bagera ku 150, ahanini abanyeshuri bo mu mashuri yisumbuye na za kaminuza.”Yakomeje agira ati: “Ako kanya, polisi yahise ikoresha ibyuka biryana mu maso. Mu muhanda wasangaga umuntu atakibasha kubona neza.”
Ikinyamakuru cyo mu Bufaransa, Le Parisien, cyatangaje ko polisi yakoresheje imodoka zirasa amazi mu guhosha imyigaragambyo, ndetse hakaba n’amakuru avuga ko ibyuka biryana mu maso byakoreshejwe mu mujyi wa Nice.Televiziyo yo mu Bufaransa, France 23, na yo yatangaje ko polisi yarashe ibyuka biryana mu maso ku bigaragambyaga babarirwa mu magana mu mujyi wa Clermont-Ferrand.
Mu masaha yabanje yo kuri uyu wa Gatandatu, polisi yari yatangaje ko yakoresheje ibyuka biryana mu maso n’imodoka irasa amazi mu gihe abigaragambyaga bakomezaga kuba benshi no guteza rwaserera y'umurengera mu mihanda.
Mu cyumweru gishizeAbantu bagera ku 550,000 bari bitabiriye imyigaragambyo nabwo bamagana izamuka ry’ibiciro bya lisansi n’ikiguzi cy’ubuzima. Uburakari bw’abaturage bwakomeje kwiyongera nyuma y’ibyumweru byinshi by’imyigaragambyo y’abanyeshuri.
Imyigaragambyo yatangiye ahanini mu mahoro, ariko nyuma irangwa n’ibikorwa by’urugomo, gusahura no gusenya ibintu. Muri ibyo bikorwa, inyubako yo mu kinyejana cya 19 yakoreragamo ibiro bishinzwe ubukerarugendo mu mujyi wa Lyon yafashwe n’inkongi y’umuriro yashinjwe abigaragambyaga. Umuyobozi w’uwo mujyi yavuze ko ibyabaye ari “amahano akomeye.”
Nyuma y’imvururu zabaye mu mpera z’icyumweru gishize, mu mijyi myinshi hashyizweho amasaha ntarengwa yo kuba abantu bageze mu ngo zabo, mu rwego rwo gukumira ko ibikorwa by’urugomo byongera kubaho.Ariko ntibyakuyeho ko buri munsi Biri gufata indi ntera .
Si mu Bufaransa gusa ahubwo imyigaragambyo yanabaye no mu Bubiligi, muri Alubaniya no mu Butaliyani.I Bruxelles mu Bubiligi, abapolisi bakoresheje ibyuka biryana mu maso (tear gas) n’imiti itera uburibwe mu maso (pepper spray) mu guhangana n’abigaragambyaga barwanya ubutegetsi, basaba ko imibereho n’imikorere mu rwego rw’uburezi byanozwa.
I Milan mu Butaliyani, abapolisi n’abasirikare bafashe ingamba zikomeye zo gucunga umutekano mbere y’imyigaragambyo yari iteganyijwe yo kwamagana izamuka ry’ibiciro by’ibintu n’imibereho.
Gusa Guverinoma yemeje ingamba zikakaye z’umutekano, bituma ibintu bigenda neza kurusha uko byari byifashe mu mpera z’icyumweru gishize, ubwo habaga imvururu, kwangiza ibintu no gusahura amaduka.
Ibyifuzo by’abasomyi
