Abakoresha telefoni za iPhone na Android bose bazi ukuntu bibabaza kubona ubutumwa buburira buza buri gihe bukubwira ngo ‘ububiko bwa telefoni bugiye kuzura cyangwa se bwuzuye cyane cyane iyo utazi icyo wasiba.
Iyo telefoni itangiye kubura umwanya wo kubikamo amakuru, abantu benshi bahita batekereza gusiba amafoto, amashusho cyangwa izindi dosiye z’ingenzi. Ariko mbere yo gutangira gusiba ibyo ushaka kubika, ushobora kubanza kureba apps udakoresha. Kuzisiba bishobora kugufasha kubona umwanya uhagije.
DORE UBWOKO BUTATU BWA APPS USHOBORA KUBANZA GUSUZUMA:
1. Apps za social media udakoresha: Niba kuri telefoni yawe hari apps nyinshi za social media ukunze kudakoresha, ni byiza kuzisuzuma no gusiba izidakenewe.
Apps nka Instagram, TikTok, Facebook na X zishobora gufata umwanya munini, cyane cyane kubera amakuru y’agateganyo (cache) agenda abikwa uko ureba amafoto n’amashusho.
Niba hari app utarigeze ukoresha mu mezi menshi, kuyisiba bishobora kugutuma ubona umwanya utari muto. Impuguke mu ikoranabuhanga no gusana telefoni, James Waterston, avuga ko apps za social media zishobora kuba mu zitwara umwanya munini kubera amakuru y’agateganyo zibika cyangwa se ‘Caches’ mu nzimi z’amahanga.
Avuga ko niba hari app ya social media utakoresha, kuyisiba bishobora kuba igisubizo cyoroshye cyo kongera umwanya muri telefoni.
2. Apps nyinshi zo kureberamo cyangwa kumviramo ibintu: Apps zitanga serivisi zo kureba filimi, kumva umuziki cyangwa podcasts nazo zishobora kuba ikibazo, cyane cyane iyo ufite ibintu byinshi wabitse kugira ngo ubashe kubireba cyangwa kubyumva udafite internet.
Urugero, Netflix, Spotify na YouTube zishobora kubika filimi, ibiganiro, indirimbo n’andi makuru ya cache.
Niba ukoresha imwe muri izi serivisi rimwe na rimwe gusa, ushobora kubanza gusiba ibyo wigeze kubika kugira ngo ubirebe offline. Niba app ubwayo utayikoresha, ushobora no kuyisiba ukazongera kuyishyiramo igihe uzaba uyikeneye. Impuguke mu ikoranabuhanga Calvin Brown asaba abantu kubanza gusiba downloads za kera, hanyuma bagasiba apps za streaming batagikoresha.
3. Apps wamaze gukoresha ibyo wari ukeneye muri icyo gihe: Hari apps abantu bakorera ‘Download’ kugira ngo zibafashe gukora ikintu runaka, nyuma ntibongere kuzifungura.
Muri zo harimo VPN, apps z’iteganyagihe, izifasha gusikana inyandiko, photo editors, video editors, keyboards n’izindi apps z’ibikoresho bitandukanye. Niba hashize amezi menshi udakoresha app runaka kandi ukaba utagikeneye serivisi itanga, kuyisiba bishobora kugufasha kubona umwanya muri telefoni.
James Waterston avuga ko hari apps zishobora kuguma muri telefoni igihe kirekire nyuma y’uko nyirazo yaretse kuzifashisha. Ku bakoresha iPhone, ushobora kureba apps ziri gufata umwanya munini ujya kuri: Settings → General → iPhone Storage. Aha ushobora kubona uko umwanya ukoreshwa na buri app, ndetse ugasanga harimo apps wari waribagiwe ko wazishyize muri telefoni.
Mbere yo gusiba amafoto, banza urebe apps , iyo telefoni ikubwiye ko ububiko bugiye kuzura, si ngombwa guhita usiba amafoto n’amashusho by’ingenzi.Banza urebe apps udakoresha, downloads za kera n’amakuru ya cache. Gusiba apps utagikeneye bishobora kuba uburyo bworoshye bwo kongera umwanya muri telefoni yawe.
