Anourah Nyiransabimana asanga ibyo abarotse Jenoside yakorewe abatutsi mu 1994 baba bavuga aba atari inkuru zisanzwe yemeza ko aba ari amateka y’ukuri yuzuyemo ububabare, ubutwari n’imbaraga za kongera kubaho.
Anourah Nyiransabimana asanga ibyo abarotse Jenoside
yakorewe abatutsi mu 1994 baba bavuga aba atari inkuru zisanzwe yemeza ko aba
ari amateka y’ukuri yuzuyemo ububabare, ubutwari n’imbaraga za kongera kubaho.
Ibyo yabitangaje mu kiganiro yagiranye na Umunsi.com
aho yagize ati:” Rubyiruko rw’u Rwanda, iyo mubonye cyangwa mwicaye mwumva
abarokotse Jenoside yakorewe Abatutsi bavuga inzira y’umusaraba banyuzemo,
mujye mubatega amatwi n’umutima wanyu wose”.”
“Ibyo bavuga si inkuru zisanzwe ni amateka y’ukuri
yuzuyemo ububabare, ubutwari n’imbaraga zo kongera kubaho. Kubatega amatwi ni
ukubaha agaciro k’ubuzima bwabo no kwemera amasomo akomeye batwigisha. Ntimugahunge
ayo mateka cyangwa ngo mubifate nk’ibidasanzwe kuri mwe. Ahubwo mujye mubyakira
nk’ishuri ribigisha urukundo, kwihangana no kurwanya urwango”.
Anourah yakomeje agira ati:”Mu buhamya bwabo harimo
impamvu ituma Jenoside itazongera kubaho ukundi. Mujye mwitonda, mwubahe ,
mwirinde gusuzugura cyangwa kwirengagiza amarangamutima yabo. Igihe bavuga,
baba bifuza ko mwumva, mwiga kandi mukomeza umurage wo kurinda ukuri”.
Nyiransabimana ukorera Ikigo cy’Igihugu cy’Itangazamakuru
RBA , yasabye urubyiruko kujya basangiza abanda ayo mateka nyuma yo kumva kugira
ngo atajya aba amasigara cyicaro kuko ngo abiba isomo no kuri bamwe bagipfobya
Jenoside yakorewe abatutsi mu 1994 bavuga ko itabayeho.
Ati:”Mube abarinzi b’ayo mateka muyasangize abandi mu
kuri, murwanye abayahakana cyangwa abayapfobya, kandi mube urumuri rwubaka
ubumwe n’amahoro. Kubatega amatwi si igikorwa gusa ni inshingano, ni
icyubahiro, kandi ni intambwe ikomeye yo kubaka ejo hazaza h’u Rwanda ruzira
Jenoside”.
Ubutumwa bwa Anourah Nyiransabimana, bushimangira neza
inshingano nyazo z’urubyiruko rwitabira ibikorwa byo kwibuka ku nshuro ya 32
Jenoside yakorewe abatutsi mu 1994.
Ni imwe kandi mu mpamvu zikomeza kugaragaza ko hari
urubyiruko rwamaze kumenya neza amateka y’u Rwanda kandi rukiyemeza
kuyasigasira no kuyasangiza abanda kugira ngo atazasibangana cyangwa abapfobya
Jenoside yakorewe abatutsi bagakomeza gukoresha agoramye.
Benshi mu rubyiruko bahuriza ku cyo kurwanya abapfobya n’abagoreka amateka ya Jenoside bisobanuye n’icyo bizamarira u Rwanda rw’ejo hazaza, bagashimangira ko aho u Rwanda rwavuye ari habi rudateze gusubirayo nk’uko byanashimangiwe cyane n’umukuru w’Igihugu cy’u Rwanda Nyakubahwa Paul Kagame mu biganiro atanga.
