Yafashe ku ngufu abahungu ! RIB yasobanuye ibyo Eric Semuhungu afungiye

Umuvugizi w'Urwego rw'Ubugenzacyaha RIB, Dr  Murangira B Thierry, yatangaje ko dosiye ya Eric Semuhungu yashyikirijwe Ubushinjacyaha ku wa 14 Matata 2026, aho akurikiranyweho ibyaha bitatu (3) birimo gukoresha undi imibonano mpuzabitsina ku gahato , gushyira ahagaragara amashusho yerekeranye n'imikoreshereze y'ibitsina ndetse no gukangisha gusenya.

Mu kiganiro Umuvugizi w'Urwego rw'Ubugenzacyaha , RIB, Murangira Thierry yagiranye na Radiyo na TV 10, yatangaje ko Eric Semuhungu yarezwe n'abavuga ko yabakresheje imibonano mpuzabitsina ku gahato kandi ari abahungu.

Yagize ati:"Semuhungu Eric yafashwe tariki 09 Mata uyu mwaka (2026), akurikiranyweho ibyaha 3, icya mbere ni ugukoresha undi imibonano mpuzabitsina ku gahato, icya kabiri , gushyira ahagaragara amashusho yerekeranye n'imikoreshereze y'ibitsina hifashishijwe imbuga nkorambaga ndetse no gukwirakwiza, icya gatatu ni ugukangisha gusebanya".

Yakomeje agira ati:"Dosiye ye yoherejwe mu Bushinjacyaha ejo tariki 14 Mata ,muri make ukurije ibyaha akurikiranyweho, ibihano byabyo uko ari ibyaha bitatu , igihano gito kirimo ni umwaka umwe , igihano kinini kirimo ni imyaka 15 y'igifungo hakiyongeraho n'amande hagati y'ibihumbi ijana (100,000 RWF) na Miliyoni 2 (2,000,000 RWF) bitewe n'icyaha".

Umunyamakuru Oswald wa TV 10 yamubajije niba abavuga ko abo bakoreye ibyo byaha barenze umwe , Umuvugizi wa RIB yagize ati:"Yego barenze umwe kandi iperereza riracyakomeje 'List' ishobora kwiyongera gusa icyo tuba tubwira abantu niba hari undi muntu waba yarakorewe ibyaha abikorewe na we , ntatinye kuza kuri RIB gutanga ikirego kandi abareze ubu ni ab'igitsina gabo".

↑↓⬅⬆➡🗑

Uyu mugabo wigize umugore ku ngufu yamenyekanye cyane mu 2016 ubwo hasakazwaga amafoto ku mbuga nkoranyambaga agaragaza ubuzima bwe bwite. Yaje kongera kuvugwa mu 2024 ubwo yoherezwaga mu Rwanda avanywe muri United States, aho yari akurikiranyweho ibyaha bitandukanye birimo gusambanya abana.