Umuziki wa Afurika y'Iburasirazuba wari umaze igihe uvugwa kubera umwana w'umukobwa Zuchu na Diamond Platnumz baherutse kwibaruka dore ko ari na bamwe basanzwe bazi kurema inkuru zitwikira ibikorwa byabo muri muzika. Inkuru y'umwana banjirijwe n'amagambo yo kwihakana umugabo byanyirarureshwa kuri Zuchu warimo kuribwa n'inda.
Ni umwana wavutse tariki 02 Kanama 2026 maze Zuchu na Diamond Platnumz bahabwa impundu n'ababyeyi batandukanye, abahanzi , umuryango ndetse n'inshuti zabo harimo na Tanasha Donna wo muri Kenya akaba umwe mu bagore babyaranye na Diamond Platnumz umwana w'umuhungu aho yagaragaje ko yishimiye ko umusore we yabonye mushiki we.
WCB [Wasafi Classico Baby] ni imwe mu nzu zifasha abahanzi muri Tanzania ikaba imwe muzizi gukoresha amahirwe yose abonetse mu gushaka ubwamamare.
Tanasha Donna yakunze kwirinda kumvikana avuga ku muryango wa Diamond Platnumz, ku rubyaro rwe cyangwa k'uwo babyaranye bigashimangirwa n'inshuti ze hafi zihamya ko yahisemo kwibanda ku muziki we gusa.
Nyuma y'uko Diamond Platnumz na Zuchu babyariye umwana w'umukobwa, Tanasha Donna yahamije ko icyo ashyize imbere ari ukwita cyane ku buzima bwe ari nayo mpamvu ngo yirinze kugira byinshi avuga.
Tanasha Donna aherutse mu Rwanda mu gitaramo yahakoreye kikitabirwa n'abantu mbarwa.
Ubwo umwe mu bakunzi ba Diamond Platnumz yashyiraga igitekerezo ku butumwa bwe akagira ati:"Ubu Naseeb yabonye umuvandimwe", Tanasha Donna yahise umusubiza ati:"MashAllah 🎀🤍🙏".
Diamond Platnumz yasinyishije Zuchu nk'umuhanzikazi yafashaga ariko byarangiye atangiye kujya amusasira kugeza banabyaranye.
