Umukobwa yatangaje ko abangamiwe n'urukundo ahabwa n'umusore bakundana agaragaza ko ikintu cyose akoze uwo musore aba ashaka ku kimenya ndetse ngo n'ahantu hose agiye amusaba ifoto.
Ubusanzwe urukundo rwihanganira byose kandi abahanga mu gukundana bavuga ko urukundo ari cyo kintu cyiza kibaho mu buzima bagashimangira ko uwakunzwe by'ukuri ari we muntu uba wishimye cyane ku Isi kabone n'ubwo haba hari ibyo abura mu buryo bundi.
Mu nkuru y'uyu mukobwa avuga ko aherutse gusohoka mu rugo uwo musore yamusabye ko yamuha amafoto y'ibyo arimo kurya ngo bikamubangamira cyane kuko ngo atari ubwa mbere. Uyu mukobwa avuga ko bituma atisanzura , bigatuma asaba inama y'icyo yakora.
Ati:"Ndasaba inama kuri mwe mwese. Mfite umukunzi ariko ntabwo ampa agahenge, iteka aba ambaza aho ndi , ibyo ndi kurya, ibyo ndi kunywa ndetse n'ibindi mbandimo nkora. Tumaranye igihe dukundana ariko ndumva ntangiye kurambirwa".
Nyamukobwa yakomeje agira ati:"Nukuri ejo hashize byo byari bikabije, naramubwite nti ndumva naniwe ngiye kujya kwicara ahantu mfate icyo kunywa ntahe. Yambwiye ngo adahari ngo tujyane ndagenda, ngezeyo ahita atangira kumpamagara no kunyandikira ambwira ngo muhe amafoto y'aho ndi , ibyo kurya nibyo ndi kunywa. Numvise bimbabaje cyane ndavuga nti bibaye byiza uyu mukunzi namuta kuko arusha na FBI gushaka amakuru n'ubwo ntazi icyo ayamaza".
Avuga ko akunda nyamusore ariko ko adakunda uburyo amutwara ndetse ngo akaba yarabimubajije ariko mu by'ukuri ntamusobanurire neza impamvu yabyo ari nayo mpamvu yagize amakenga.
Wowe urumva yakora iki ? Duhe igitekerezo aho hasi.
