Umubyinnyi mpuzamahanga Sherrie silver yihenuye ku bamwandikira mu rurimi rw'Ikinyarwanda ababwira ko baba bata umwanya w'ubusa.
Mu butumwa yashyize ku mbuga nkoranyambaga ze, umubyinnyi mpuzamahanga w'Umunyarwandakazi Sherrie silver, yagaragaje ko yakira ubutumwa butandukanye bw'abantu benshi buri mu rurimi rw'Ikinyarwanda nyamara agorwa no kubusobanukirwa kuko atazi Ikinyarwanda.
Mu nyandiko ye, Sherrie Silver yagize ati "Abantu Bose banyoherereza ubutumwa mu rurimi rw'Ikinyarwanda batekereza ko nzabusoma nkabyumva, Amahirwe masa (aseka mu buryo bw'ibimenyetso)...muri gutakaza igihe cyanyu...".
Yakomeje avuga ko byibuze bimutwara igihe cy'Iminsi ibiri y'akazi yose kugira ngo abashe gusemura interuro y'ikinyarwanda yumve icyo ivuze, bityo ko bigoye kuba yamenya iby'ubwo butumwa bamwoherereza.
Nyuma yo gushyira yanze ubu butumwa Kwa Sherrie Silver, Abakoresha Imbuga nkoranyambaga babusamiye hejuru batangira kugaragaza ko ari ubutumwa bwuzuye ukwihenura ku bantu.
Ibitekerezo byinshi by'abavuze kuri ubu butumwa bwa Sherrie Silver buragaragaza ko yirata cyane kuko Aho Isi igeze hari Tekinoloji yamufasha kwisobanurira indimi zose bidasabye n'umunota, kuburyo atakavuze kuriya.
Sherrie Silver ni umubyinnyikazi wabigize umwuga ku Isi yose ndetse byatumye ashinga umuryango ufasha Abana bafite impano zitandukanye nko Kubyina,Gucuranga,kuririmba n'izindi binyuze muri Uyu muryango yise Sherrie Silver Faundation.
