Amafoto y’inyamaswa yafashwe mu bihe bitandukanye muri uyu mwaka yongeye kwerekana ko n’Isi y’inyamaswa ishobora gutanga amashusho asekeje cyane nk’uko n’ikiremwamuntu kibigenza.
Mu mafoto 10 ari mu yatoranyijwe mu irushanwa rya Nikon Comedy Wildlife Awards 2026, harimo idubu isa n’iri gukora imyitozo ngororamubiri, igihunyira gisa n’aho kirakaye, inkende isa n’itanga ikimenyetso gitangaje ndetse n’izindi nyamaswa zafashwe mu buryo butunguranye.
1. Idubu isa n’iri gukora siporo : Scott Suriano yafashe ifoto y’idubu y’ingore yo mu bwoko bwa brown bear hafi y’ikiyaga cya Lake Clark muri Alaska, muri Leta Zunze Ubumwe za Amerika.
2. Inkima yafashwe “amaze kurya ihaze”
Udo Harms yafashe ifoto y’inkima itukura (red squirrel) yo mu Budage iri kurya ibiryo. Iyo nkima yari ifite igice kinini cyane cy’amafunguro yayo mu kanwa, ariko ikomezakurya, mu gihe umubiri wayo wari umeze nk’uwafashwe mu buryo bwo kwamamaza ibintu runaka.
3. Kagoma imanuka ku rubura rwo mu mazi: Umufotozi Tapani Linnanmäki yafashe kagoma y’umurizo w’umweru (white-tailed eagle) iri kumanuka ku rubura ruri ku mazi ku nkombe zo mu burengerazuba bwa Finland.
Uyu mufotozi amaze imyaka afotora izo nyoni muri ako gace. Avuga ko akeka ko iyi nyoni ishobora kuba ari na yo yatsindiye amajwi menshi y’abaturage mu irushanwa ryo muri 2024, nubwo atabihamya.
4. Ikinyenzi gisa n’iki kuruhukira ku kibabi: Diego Perez yafashe ifoto y’inyenzi yo mu bwoko bwa praying mantis isa n’aho iri kurambarara ku kibabi, nk’umuntu uri kwiyotera akazuba.
Ariko uko iyo foto isa biratangaje cyane ndetse ntiwatekereza ko koko ari yo ya yanyo. Amaguru y’inyuma y’iyo nyenzi yari yihishe inyuma y’ikibabi, bituma isa n’aho iri mu mwanya udasanzwe.
Ifoto yafatiwe mu gace ka Bosques del Araza muri Cusco, muri Peru, ahateganywa kuba agace karinzwe hagamijwe kurinda amasoko y’imigezi ihabarizwa.
5. Igihunyira gisa n’aho cyarakaye: Igihunyira cyo mu misozi (mountain scops owl) cyafashwe na Ka Chun Jacky muri Nanling National Forest Park mu Bushinwa. Iyo nyoni yari imanukiye imbere y’abantu bari baje kureba inyoni, maze mu mafoto menshi bafashe, imwe muri yo igaragaza igihunyira gifite isura imeze nk’iy’umuntu utishimiye ibyo abonye.
6. Kyo Chen yari arimo gufotora itsinda ry’amafi yo mu bwoko bwa spadefish mu mazi ya Dumaguete muri Philippines.
Mu kanya gato, hagaragaye igicucu kinini cy’inyamabere yo mu nyanja, ari yo whale shark.
Umufotozi yahise akanda kamera, afata ifoto igaragaza amafi asa n’aho yatewe ubwoba n’iyo nyamaswa nini yari inyuma yayo.
7. Kevin Lohman yari agiye gufotora igihunyira gito cyo mu bwoko bwa great horned owl ku mucanga wa Natural Bridges State Beach muri California ariko aho gufata ifoto y’igihunyira gusa, yafashe inkima iri mu kirere isa n’aho yirukiye icyo gihunyira.
Lohman yavuze ko izo nyamaswa zombi zaguye ku byatsi, ariko ntizagira ikibazo gikomeye. Inkima ngo yongeye kugerageza gutera icyo gihunyira inshuro ebyiri.
Iyo ntoya muri zo isa n’aho imenyereye gusukurwa n’izindi, mu buryo bushobora gutuma umuntu atekereza ko ari umwana uri mu muryango.
9. Orangutan itanga “ikimenyetso” : Mu ishyamba rya Borneo, Subi Sridharan yafashe ifoto ya orangutan yari imaze kurya. Muri ako kanya, iyo nyamaswa yazamuye ukuboko ku buryo urutoki rwayo rwo hagati rwagaragaraga, bituma ifoto isa n’aho iri gutanga ikimenyetso abantu bakunze gukoresha mu buryo bwo gutukana.
10. Idubu ebyiri zisa n’aho ziseka : Charles Janson yafashe ifoto y’idubu ebyiri zikiri nto zo mu bwoko bwa brown bear muri Chinitna Bay, Alaska. Izo nyamaswa zagaragaye zikina kandi zisimbukiranaho.
Mu gihe hari impaka ku bijyanye no kumenya niba isura y’idubu muri iyo foto yaba koko imeze nk’iy’umuntu useka, Janson avuga ko we akunda gutekereza ko ari ukuri.
Aya mafoto yatoranyijwe muri Nikon Comedy Wildlife Awards 2026 agaragaza ibihe bidasanzwe bifatwa n’abafotozi mu buzima busanzwe bw’inyamaswa.
Nubwo amashusho menshi asa n’aho inyamaswa zaba ziri gukora ibintu abantu bakora, abahanga n’abafotozi bakunze kwibutsa ko ari twe abantu dusobanura ayo mashusho dushingiye ku buryo tubona imyitwarire yazo.
Icyakora, ayo mafoto akomeje gutuma abantu bishimira ubwiza bw’inyamaswa, ndetse anibutsa akamaro ko kubungabunga ahantu zisanzwe ziba.
