Umuhanzi Bruce Melodie yasobanuye ko Yago wa none atari we bahoze ari inshuti agaragaza ko atazi uburyo yahindutse ndetse ko atari na we wamurezi kuri YouTube nk’uko Yago we ubwe abivuga.
Mu kiganiro Bruce Melodie yagiranye na Jean Paul Nkundineza usanzwe akoresha umuyoboro wa YouTube, yatangaje ko imbuga ze atari we uzikoresha bityo ko atari na we wafashe umwanzuro wo kumurega kuri YouTube n’ubwo Yago we abifata nk’aho ari we n’abo bakorana.
Bruce Melodie ati:”Uyu mujene (Yago), yarakabije kuko yabitangiye mbere , aramparabika gutya , mu gitondo akabyuka agasaba imbabazi ejo akongera bigeze aho atangira gukoresha imiziki kandi nagurishije abanyamerika. Icyo nakoze njye nabihaye Abanyamerika (Reporting to Americans), ubwo ‘Strickes’ zose yabonye yatanzwe na Kompanyi yaguze iyo mikizi”.
Yakomeje agira ati:”Buriya imbuga zanjye ntabwo itunze umuntu umwe , ufashe izina ry’umuntu uraryangije , ufashe n’ibikorwa yakoze urabyangije, utangiye kwinjira mu muryango , uzanyemo n’ivangura. Icyo nakoze banyiri bihangano nibo natekereje ko ngomba kubisobanurira kugira ngo barebe uko babyakira ubutabera kuko umuntu ntari mu Gihugu”.
Itahiwacu Bruce , yakomeje avuga ko nyuma yo kubona izo ‘Strike’, Yago atigeze anabandikira kugira ngo bavugane babe bazikuraho.
Ati:”Ntabwo yigeze anabandikira kugira ngo avugane nabo kuko Email yabonye ntabwo ariyo njye nkoresha , ni iyo bafiteho access kuko nibo bagurisha imiziki ahubwo yatekereje ko ari njyewe biri ‘Personal’ kandi wenda niyo agerageza gutera intambwe yo kumvugisha ahari byari kugenda ukundi. Rero ntabwo ari ibintu biri ‘Personal’ ni ibintu byo (…..) ‘Business y’umuntu’, buriya n’abandi bantu dukorana abari kubahombya nk’uko iyo bigenze gutya na we abari guhomba”.
Ati:”Njye rero nta rwango ruhari nta n’umutima mubi ni ingaruka z’ibintu umuntu aba yakoze nuko abyitwaramo”.
Kubyo kuba Yago avuga ko yafashije cyane Bruce Melodie mu bibazo bitandukanye. Bruce Melodie , yavuze ko umuntu atari akwiriye gukomeza kuvuga ko yafashije mugenzi we nyamara ibiganiro bakoranye na we akibikuramo amafaranga ari na yo mpamvu ngo nabyo basabye Yago ko yabisiba byose.
Ati:”Ngize amahirwe ibiganiro bye yabikuramo ntazongere kumvuga niba ari uko agiye kujya amvuga.Niba umuntu akwiriye kuvuga ko yagufashije akiri kurya amafaranga y’ibiganiro wamuhaye , ubwo ninde uba uri gufasha undi ?”.
Bruce yahamije atazi neza ibibazo byabaye hagati ye na Yago kuko ngo Yago w’uyu munsi atari uwo bari baziranye na mbere hose. Ati:”Ntabwo nzi uko umuntu yaje guhinduka uriya , ariko uriya ntabwo ari we muntu twabanaga , ntabwo ari we twabanye nta n’icyo byamarira guhuraho ‘Platform’ ye. Ubwo rero uwabyumvaga nk’urwango cyangwa se ko hari inabi nifuriza umuntu ntayo rwose (…..) ahubwo we namugira inama yo kwandikira Imeli yamuhaye ‘Strike’.
