Umukobwa mwiza w’uburanga abangamiwe no kwamamara nta mafaranga afite

Maria Mutoni, wamamaye nka Shifra mu ndirimbo Hoozambe ya Mudra D Viral, yahishuye ko kwamamara kwe kutamuhinduriye ubuzima nk’uko yabyifuzaga.

Mu kiganiro yagiranye n’imwe muri televiziyo zo muri Uganda, Shifra yavuze ko kimwe mu bibazo yahuye nabyo ari uko, nubwo ari ikimenyabose, nta mafaranga afite.

Yagize ati: “Kwamamara kwanjye ntacyo byahinduye mu buzima bwanjye, ahubwo mbangamiwe no kuba naramamaye nta mafaranga ngira. Ahantu ngeze hose nsanga banzi, guhaha mu masoko asanzwe n’ikibazo, no gutega imodoka bisanzwe, byose bigendana no kumpenda.”

Shifra yavuze ko, nubwo amaze kuba ikimenyabose kubera indirimbo Hoozambe yakoranye na D Star, ahura n’ibibazo byo kugenda nk’umuntu usanzwe, aho usanga abantu bamwirundaho kandi rimwe na rimwe akakererwa aho agiye.

Ibi byose, nk’uko yabisobanuye, bikubiyemo imbogamizi z’umwihariko wo kwamamara atari afite ubushobozi bwo guhangana na zo.