Adel Amrouche ni Umunya-Algeria w’imyaka 56 y’amavuko niwe ugizwe Umutoza Mukuru w’ikipe y’Igihugu y’u Rwanda Amavubi. Muri iyi nkuru uramenyeramo byinshi kuri we.
Atangajwe nk’Umutoza Mukuru nyuma y’uko ibiganiro bitagenze neza hagati y’uwari Umutoza w’ikipe y’Igihugu y’u Rwanda Amavubi Umudage Frank Torsten Spittler
Adel Amrouche ni Umunya Algeria ufite Ubwenegihugu bw’u Bubiligi. Uyu mugabo w’imyaka 56 kandi yatoje ikipe y’Igihugu ya Tanzania, atoza amakipe akomeye harimo nka USM Alger n’andi makipe atandukanye.
Yatangiye umwuga wo gutoza muri 1988 aho muri 2002 yatoje ikipe ya Daring Club Motema Pembe yo muri Congo naho muri 2007 Amrouche yatoje ikipe y’Igihugu y’u Burundi.
Muri 2013 yatoje ikipe ya Tanzania asimbuye uwitwa James Nandwa wari wahawe iyi kipe nawe asimbuye Henri Michel. Muri iyi kipe y’Igihugu ya Tanzania yamazemo amezi 18.
Muri 2018 yabaye umutoza w’ikipe y’Igihugu ya Libya. Muri 2019 nibwo yabaye umutoza w’ikipe y’Igihugu ya Botswana.
Muri 2023 nibwo yagejeje ikipe y’Igihugu ya Tanzania mu gikombe cya Afurika kuri Cote D’Ivoire.
Muri 2024 yahagaritswe mu ikipe ya Tanzania nyuma yo guhanwa na CAF agacibwa $10,000 agahagarikwa n’imikino igera ku 8.
