Kuri uyu wa Gatanu tariki 16 Ukwakira 2026 muri Stade Amahoro , ZAMALEK FC itsinze APR FC igitego 1-0 mu mukino ubanza w’ijonjora rya kabiri ryo kujya mu matsinda. Aho bigoye ko APR FC uyu mwaka yabona itike yo kujya mu matsinda kuko irasabwa gutsinda ZAMALEK FC iwayo ibitego 2-0.
Kuri uyu wa Gatanu tariki 16 Ukwakira 2026 muri Stade Amahoro , ZAMALEK FC itsinze APR FC igitego 1-0 mu mukino ubanza w’ijonjora rya kabiri ryo kujya mu matsinda..
Ni umukino watangiye ku isaha ya saa kumi n'ebyiri (18H00). Kuri Stade Amahoro i Remera .Umutoza wa APR FC yari yakoze impinduka aho Fidali yari yamubanje mu kibuga.
APR FC yatangiye ubona iri hejuru ya ZAMALEK FC mu mukino igerageza kwinjira mu rubuga rw’amahina no kugerageza amashoti ishaka igitego cya kare.
Ku munota wa 6, APR FC yahise igerageza uburyo bwa mbere bukomeye, aho Byiringiro Gilbert yateye ishoti mu izamu rikurwamo n’ubwugarizi bwa Zamalek, abakinnyi ba APR FC baburana penaliti ariko umusifuzi arayanga.
ku munota wa 7, umuzamu wa APR FC Hakizimana Adolphe yakoze ikosa ariko yisubiraho ashyira umupira muri koruneri warutewe mu izamu na Oday.
Ku munota wa 24, APR FC yongeye kubona uburyo bw’’igitego Ubwo Memel Dao yacengaga umukinnyi w'inyuma wa ZAMALEK FC, atera ishoti mu izamu rikurwamo n’umunyezamu.
Igice cya mbere cyarangiye amakipe yombi anganya 0-0
Mu Gice cya Kabiri
Mu Gice cya Kabiri APR FC yagarutse ubona iri hejuru ishaka uko yabona igitego. Mu gihe wabonaga ko ZAMALEK FC yo idashaka kuba yatsindwa igitego, ariko nayo ikanyuzamo ishaka uko yatsinda igitego.
Ku munota wa 53, APR FC , yabonye igitego cyari gutsinzwe na Sheikh Djibril Ouattara ariko umusifuzi wo ku ruhande, avuga ko yari yaraririye.
Ku munota wa 58' ZAMALEK FC yahise ikora impinduka ya mbere.
Umutoza akuramo Hossam Elagamy na Abdallah Mohamed hinjiramo Ahmed Abdelhamid na Mahmoud Roweidy.
Ku munota wa 60, umutoza wa APR FC nawe yakoze impinduka ya mbere.
Uwiyaremye Fidali avamo hinjiramo Hakim Kiwanuka.
Ku munota wa 68, ZAMALEK FC yashoboraga kubona igitego, yirangaraho. Ahmed Abdelhamid yageze imbere y’izamu wenyine ananirwa gutsinda umupira arawurenza.
Ku munota wa 70, APR FC yongeye gukora impinduka ya Kabiri
Hakim Kiwanuka yahaga umupira Amani Michel awuhinduriiye Djibril Ouattara awushyira ku mutwe, umusifuzi asifura ko yarariye.
Ku munota wa 85, ZAMALEK FC yabonye Kufura, bayiteye umukinnyi wa ZAMALEK FC agarura umupira umukinnyi wa APR FC yitsinda igitego ,umusifuzi wo k'uruhande avuga ko umukinnyi wa ZAMALEK FC umupira yawugaruye n'umutwe yari yaraririye igitego aracyanga.
Ku munota wa 89 Zamalek FC yabonye igitego cyatsinzwe na Nasser Mansy wagiyeyo asimbuye nyuma yo guhererekana neza na mugenzi we maze abona abakinnyi ba APR FC bahagaze nabi ndetse n'umuzamu atsinda igitego cyiza cya ZAMALEK FC.
Ibyifuzo by’abasomyi
