Amafaranga Cristiano Ronaldo yahanishijwe mu ikipe y’igihugu ya Portugal nyuma y’uko yikuye mu mwiherero ayakorera mu masegonda 40 mu ikipe ya Al Nassr.
Ku wa Mbere tariki ya 19 Ukwakira 2026 ni bwo ishyirahamwe ry’umupira w’amaguru muri Portugal ryatangaje ko ryahanishije Cristiano Ronaldo guhagarikwa iminsi 30 mu ikipe y’igihugu no kwishyura Amayero 255, ni ukuvuga ngo ibihumbi 420 by’Amanyarwanda.
Ni nyuma y’uko yakoze amakosa yo kwikura mu mwiherero w’iyi kipe y’igihugu tariki ya 30 z’ukwezi gushize bitewe n’ibibazo yari yagiranye n’umutoza bishingiye ku kuba yaramwicaje ku mukino na Norway muri UEFA Nations League.
Aya amafaranga yaciwe ayakorera mu masegonda 40 gusa mu ikipe ye ya Al Nassr dore ko ufashe amafaranga ahembwa ku Cyumweru, usanga ku isegonda rimwe akorera amayero 6.34.
Kuri uru rutonde rwa Forbes, Cristiano Ronaldo ni we uyoboye abandi bakinnyi mu guhembwa amafaranga menshi mu makipe muri 2026. Uyu mukinnyi ahembwa na Al Nassr Miliyoni 300 z’Amadorali ku mwaka, Lionel Messi agahembwa na Inter Miami Miliyoni 145 z’Amadorali ku mwaka;
Kylian Mbappé akaza ku mwanya wa 3 na Miliyoni 100 z’Amadorali ku mwaka, ku wa Kane hakaza Erling Haaland na Miliyoni 85 naho ku wa 5 hakaza Vini na Miliyoni 76. Ni mu gihe ku wa 6 hari Lamine Yamal w’imyaka 19 na Miliyoni 55 z’Amadorali ku mwaka muri FC Barcelona.
