Dore ibyiza 8 byo gutangira gukundana byibuza uri hejuru y’imyaka 25

Gukundana ukuze byibuza uri hejuru y’imyaka 25 bifite ibyiza byinshi bishobora guhindura ubuzima bwawe mu buryo bw’urukundo n’imibereho. Dore ibyiza bitanu byo gukundana ukuze:

1.  Gushyigikirana no gushyigikirwa: Iyo ukundana n’umuntu ukuze, uba ufite umuntu ushobora kuguhumuriza no kukuba hafi mu bihe bikomeye. Uba ufite umuntu uzagushyigikira mu migambi yawe kandi akakwereka ko atazagutererana.

2. Gutanga Inama n’Ubwenge: Abantu bakuru baba bafite byinshi bigiye mu buzima mu buzima. Iyo ukundanye n’umuntu ukuze, aba afite ubushobozi bwo kkugira inama mu byo ukora no kugukosora aho wakosheje . Izi nama ashobora kukugira, zishobora kugufasha kwirinda amakosa ndetse no gutera imbere mu mibereho yawe.

3. Bigufasha gukura mu mitekerereze: Gukundana n’umuntu ukuze bituma wigira byinshi mu buzima. Bifasha mu gukura mu bitekerezo, bigatuma ubona ibintu mu buryo butandukanye. Buri gihe uba uri kumwe n’umuntu ushobora kukwigisha ibintu bitandukanye, bikagufasha gutekereza neza no gufata ibyemezo byiza.

4. Bituma uhabwa urukundo rwuzuye: Abantu bakuze bakundana mu buryo bwimbitse kandi budahemuka. Bazi agaciro k’urukundo rw’ukuri kandi bararubungabunga. Gukundana n’umuntu ukuze bikuremera umubano ukomeye, urangwa n’urukundo rwimbitse, ubudahemuka, no kubahana.

5. Bituma wumva ufite inshuti yakadasohoka: Gukundana n’umuntu ukuze bigufasha kumva ko ufite inshuti idasanzwe. Uba ufite umuntu mu buzima bwawe wumva ibyishimo byawe n’imibabaro yawe. Bimera nk’uko wagira inshuti ikomeye ishobora kuguherekeza mu rugendo rwawe rwose, ikaguhumuriza ndetse ikakuba hafi igihe cyose.

6. Birinda iraha ryinshi: Iyo abantu bakundanye bakuze baba bafite intego z’ubuzima bigatuma badakunda byacitse cyane ndetse bikabafasha kwiteza imbere bitewe n’ibitekerezo bahana.

7. Birinda gucana inyuma mu rukundo: Kenshi iyo abantu bakundanye bakuze, baba bafite byinshi bigiye mu buzima ndetse bazi no guha agaciro abakunzi babo, bityo bigatuma birinda ibyabateranya nko gucana inyuma n’ibindi.

8. Bigabanya ubusambanyi : akenshi abantu bakuze ntibabona umwanya w’ubusambanyi cyane kuko baba bafite ibyo bahugiyemo ndetse bafite intego, dore ko baba baranarenze muri cya gihe cya adoresa.

Muri make gukundana ukuze ni byiza kuko bituma umenya uko uha agaciro umukunzi wawe ndetse bikakurinda kujarajara mu rukundo.