Kwizera Jean de DieuKuri uyu Kane tariki 07 Ukuboza 2023, mu Karere ka Rubavu habereye umuhango w’amatora yo kuzuza Njyanama y’Akarere ka Rubavu arinayo yavuyemo Umuyobozi w’Akarere ka Rubavu Mukindwa Prosper.
Inteko y’Abajyanama 260 , niyo yatoye Mulindwa Prosper wari usanzwe ayobora Akarere ka Rutsiro by’agateganyo nyuma y’aho uwari Umuyobozi wako akuriwe ku mirimo ye.
Mu ijambo rye ubwo yiyamamazaga , Mulindwa Prosper yavuze ko ashyize imbere guteza imbere aka Karere ka Rubavu yifashishije ubunararibonye bw’imyaka 17 yakuye mu nzego z’ibanze, avuga ko azateza imbere igishushanyo mbonera cy’Umujyi wa Rubavu ukaba uwambere w’Ubukerarugendo ndetse akanazamura imibereho y’imiryango ifite imibereho mibi.
Mu nteko y’Abajyanama bagera kuri 260 hatoye 158 , amajwi abiri aba imfabusa.
Nyuma yo gutorwa akajya muri Njyanama y’Akarere ka Rubavu , Mulindwa Prosper yahise yiyemeza kuba Umuyobozi w’Akarere ka Rubavu avuga ko nahabwa amahirwe azakayobora neza.
