Ubufaransa: Abantu 4 bapfiriye mu birori by’isabukuru y’amavuko

Mu gace ka Espinasse – Vozelle mu Bufaransa, hari kuvugwa inkuru mbi y’umugabo winjiye ahari hari kubera ibirori by’isakuru akarasa abaturage barimo, hagapfa n’uwaruri kubyizihiza na Se umubyara.

Amakuru avuga ko nyuma yo kwica abo bantu uwabishe yahindukije imbunda nawe akirasa . Muri abo bapfuye harimo umwana w’imyaka 20 wizihizaga isabukuru ya 21 na Se ndetse n’abandi barimo uw’imyaka 19 na 40′.

Umuyobozi w’aka gace yagize ati:”Birababaje. Ntabwo tuzi icyabiteye , uko umuntu atakaza ubwenge agakora ibintu nk’ibi”.

Police itangaza ko uyu mugabo mu myaka 50 atigeze afungwa cyangwa ngo akurikiranweho ibintu nk’ibi.

Kugeza ubu hakomeje iperereza kugira ngo hamenyekane icyabiteye kugeza ubwo abantu 4 bose bapfa.