Lyvine RwandaKuri uyu wa Gatanu ku isaha y’i saa sita n’igice z’amanywa nibwo hashyizwe hanze amashusho y’indirimbo nshya yitwa SIKOSA yahuriwemo n’abahanzi bakomeye nka The Ben , Kevin Kade na Element
Iyi ndirimbo yari imaze igihe kinini yaramaze gutunganywa haba mu buryo bw’amajwi n’amashusho ariko igatinda gusohoka kubera utubazo tumwe na tumwe two kudahuza kw’abareberera inyungu mu muziki w’abamwe mu bahanzi bari muri iyi ndirimbo n’umwe mu bayiririmbamo ndetse byari gusaba ko kugirango iyi ndirimbo isohoke arenga miliyoni 50 z’amanywarwanda.
Ibi byateye gutinda gusohoka kw’indirimbo SIKOSA hari harimo ukudahuza n’umuyobozi wa 1:55 am ari naho Element abarizwa na Mugisha Benjamin uzwi nka The Ben cyane ko uyu muyobozi asanzwe akorana na Bruce Melody kandi adahuza na The Ben.
Ibi rero byaje gutera ikibazo dore ko yewe n’umuyobozi Coach Gael atari asanzwe acana uwaka na The Ben nyuma y’ikibazo bagiranye mu mushinga w’indirimbo WHY umuhanzi The Ben yakoranye na Diamond Platinumz wo mu gihugu cya Tanzaniya.
Iyi ndirimbo yaje gusohoka nyuma y’uko ibyo bibazo byose bikemutse na nyuma y’ibyavuzwe ndetse iyi ndirimbo yari itegerejwe n’abatari bacye,kugeza ubu yasihokeye ku rubuga rwa Youtube rwa Kevin Kade no kuzindi mbuga zitandukanye zicuruza umuziki.
Reba amashusho y’indirimbo SIKOSA ya Kevin Kade, The Ben na Element
