NKORE IKI: Ndi umukobwa mwiza cyane wize nkarangiza Kaminuza ariko amanota yose nayahabwaga natanze igitsina ! Mfite ubwoba ko ntazashobora akazi k’ibyo nize banshakiye

Mu nkuru ya Nkore Iki , y’uyu munsi, tugiye kugaruka ku butumwa bw’umukobwa ugisha inama nyuma yo kurangiza Kaminuza ariko amanota yose yeretse ababyeyi akaba yaraturutse ku barezi be yahaga igitsina bakamuha amanota kandi yari yatsinzwe.

Uyu mukobwa avuga ko impungenge afite aziterwa nuko ashobora kuzahabwa akazi ariko kugakora bikamunanira kuko nta bumenyi yakuye muri Kaminuza aho yari yaragiye kurahura. Ese wamugira iyihe nama ? Yagize ati:”Muraho neza, ndi umukobwa mwiza, usoje amashuri ya Kaminuza ,kuko vuba aha mperutse kwambara ikanzu nk’abandi, ntumira ababyeyi banjye , inshuti n’abandimwe ariko ubu umutima urahagaze”.

Yakomeje ati:”Uko nize birababaje. Nabaga nafashwe n’isomo [Module], umurezi akampa amanota ariko nanjye akansaba ko ndyamana nawe noneho nkabyemera. Ibi byabaye hafi mu masomo yose kuko n’ubwo ndi mu cyiciro cyiza ariko rwose, nta manota nigeze nibonera ubwanjye kuko uretse no gutanga umubiri wanjye, akenshi abandi bigaga nagiye kunywa hamwe n’abandi bantu bo hanze y’ikigo nizeye mwarimu.

Ubu mfite ubwoba budasanzwe, kuko ubwo twari mu birori nishimira ko nasoje amashuri, umwe mu bantu bo mu muryango wanjye, yarateruye mu ruhame avuga ko agiye kunshakira akazi k’ibyo nize, nabaye nkuseka ariko ntababeshye umutima wari ugiye kumvamo pe. Nagendeye mu kigare, nishinga abandi bakobwa ariko ndumva ibyanjye bishobora kuzarangira mpawe akazi kakananira bakanyirukana hadaciye kabiri , nkaba mpombeye umuryango nanjye ubwanjye kandi uwo mwarimu ntawuhari”.

Uyu mukobwa yakomeje avuga ko uretse n’amanota no kuba adashoboye akazi, akekako ashobora yaratewe inda akanduzwa na SIDA. Ati:”Simbabeshye , n’ubwo SIDA idapimishwa ijisho, ndumva umubiri wanjye warahindutse, ndetse nshobora kuba ntwite inda nkuru pe. Najyaga ngira ngo ni uguhaga ariko ndumva mu nda yanjye amazi atari yayandi wagira ngo bimuriyemo abakinnyi b’umupira.

Nukuri mungire inama. Ese nsubire mu ishuri nige bundi bushya kandi mfite impamyabumenyi yanjye ? Nabuze ayo mira nayo ncira. Ntegereje inama yanyu”.

Niba nawe ufite icyo ushaka kutugishaho inama , siga ubutumwa ahatangirwa ibitekerezo.