Kwizera Jean de DieuUmukinnyi ukiri muto Lamine Yamal ukinira FC Barcelona yabaye umukinnyi muto wa Kabiri watsinze mu irushanwa rya UEFA Champions League ubwo FC Barcelona yatsindwaga na Monaco 2:1.
Ni umukino wabaye kuri uyu wa Kane tariki 19 Nzeri 2024 wahuje ikipe ya FC Barcelona na Monaco aho Lamine Yamal w’imyaka 17 n’iminsi 68 yatsindaga igitego kimwe muri bibiri yari yatsinzwe dore ko yari yagowe n’umukino cyane nyuma y’ikarita y’umutuku yabonye mu minota ya mbere.
Lamine Yamal yaciye aka gahigo nyuma ya Ansu Fati wari ufite imyaka 17 n’iminsi 40 . Yatsinze ubwo FC Barcelona yakinaga na Inter muri 2019. Lamine Yamal ni umwe mu basore bari munsi y’imyaka 18 batsindiye Barcelona muri iyi mikino gusa hakaba andi mazina y’abandi bakinnyi bakomeye babashije gutsinda ari bato nka Cesc Fabregas na Jude Bellingham.
Mu mikino mpuzamahanga Lamine Yamal yaciye uduhigo dutandukanye turimo kuba umukinnyi ukiri muto witwaye neza muri European Championships.
