umunsi .comIkipe y’Igihugu cya Espanye izwi nka La Roja, yegukanye igikombe cya Euro2024 , itsinze amakipe yose yahuye nayo bitagombeye gutera Penaliti.Aka ni agahigo yaciye bituma benshi bemeza ko igitwaye ibikwiriye.
Mu mikino irindwi yari imaze gutsinda, hiyongereye ho uwa nyuma yakinnyemo n’Ubwongereza ndetse nawo ikawutsinda ibitego 2:1 batsinzwe na Williams Nico na Mikel kimwe cy’Ubwongereza kigatsindwa na Cole Palmer wari winjiyemo asimbuye.
La Roja niyo kipe imaze kwegukana iki gikombe incuro nyinshi kuko yatsinze amakipe yose yigeze kwegukana igikombe cy’Isi kandi akomeye.Aha twavuga ; Ubutaliyani, Ubudage, Ubufaransa n’Ubwongereza ukongeraho na Croatia yageze ku mukino wa nyuma w’igikombe cy’Isi cya 2018.
Umukinnyi witwa Rodri wa Espanye yabaye umukinnyi w’irushanwa mu gihe. Lamine Yamal aba umukinnyi muto cyane mu irushanwa ryose. Dani Olmo yabaye umukinnyi watsinze ibitego byinshi naho Yamine Lamal aba umukinnyi watsinze imipira myinshi ikavamo ibitego.
Ubudage n’Ubufaransa ni amwe mu makipe yahabwaga amahirwe yo kwegukana irushanwa ariko birangira ikipe ya Espanye itarigeze ihabwa amahirwe ariyo icyegukanye. Byatumye n’umutoza w’Ubwongereza Gareth Southgate yahamije ko Espanye yegukanye igikombe ibikwiriye.
Gareth yabwiye BBC Radio 5 Live ati:”Ni uko ni uko Espanye. Bari bakwiye intsinzi atari iri joro gusa ahubwo no mu irushanwa ryose”.
Ikipe ya Espanye ‘La Roja’ , yaherukaga igikombe cya Euro muri 2008, 2010 na 2018 igatwara n’igikombe cy’Isi.
Nico Williams usanzwe ari inshuti na Lamine Yamal yatsinze igitego ku mupira yari ahawe na Yamal.
