Uwihirwe OlivierKunywa amazi buri gitondo ubyutse ni umuco mwiza ufite ibyiza byinshi ku buzima bw’umuntu. Mu gihe usomye ku mazi mbere y’ibindi byose, umubiri wawe uhita ubyungukiramo mu buryo butandukanye. Dore bimwe mu byiza byo kunywa amazi buri gitondo:
1. Gutunganya umubiri:
Kunywa amazi mu gitondo bituma umubiri usohora imyanda yabaye myinshi mu buryo bw’ibyitwa detoxification. Amazi afasha impyiko gukora neza akazi ko gusohora imyanda, bityo ukaba wumva ubuzima bwawe bumeze neza.
2. Byongera ingufu:
Amazi ni igikoresho gikomeye cyo kongera ingufu z’umubiri. Mu gitondo, kunywa amazi bizamura urwego rw’ingufu mu mubiri kuko akenshi iyo ubyutse nibwo umubiri ukora imbaraga uri bwirirwe ukoresha, bityo amazi agafasha umubiri.
3. Bifasha mu igogora: Ubusanzwe iyo unyweye amazi mbere y’iminota 30 yuko urya, bifasha cyane mu igogora, rero no kuyanywa mu gitondo bituma muri system y’igogora hakorwamo isuku.
4. Birinda umwuma:
Amazi ya mu gitondo ni ingenzi cyane ku buzima kuko atuma umubiri ukomeza kugira ubuhehere . Kunywa amazi mu gitondo bituma utangirana umunsi akanyamuneza, bigatuma uruhu rwawe ruba rwiza kandi rukamererwa neza.
5. Gufasha mu kugabanya ibiro:
Mu gihe unywa amazi buri gitondo, bigufasha kumara amasaha menshi wumva utarasonza, bityo nturye ibyo kurya byinshi bigutera kongera ibiro.
6. Bifasha mu gutekereza neza:
Amazi atuma ubwonko bukora neza, kuko bukenera amazi ngo bukomeze gukora neza kandi butange umusaruro mwiza mu bitekerezo no mu bikorwa bya buri munsi.
8. Byongera ubwirinzi bw’umubiri:
Kunywa amazi mu gitondo bituma umubiri ubasha kurwanya indwara zitandukanye zishobora kugutera gucika intege.
Kunywa amazi buri gitondo ni umuco mwiza buri wese yakagombye kwiyigisha no gushyira mu bikorwa kuko ibyiza byayo ni byinshi ku buzima bwacu. Ni ingenzi ku buzima bw’umuntu kandi biroroshye cyane kubishyira mu bikorwa mu buzima bwa buri munsi.
