APR FC ihawe igikombe idatsinzwe

Umuhanzi Bruce Melodi yakuwe ku rutonde rw’abahanzi bari buririmbe muri Kigali Pelé Stadium APR FC yishimira igikombe cya shampiyona ya 2023-24 yegukanye imaze kunganya na AMAGAJU FC 1:1.

Mu rwego rwo kwishimira iki gikombe yegukanye ku mwaka wa yo wa mbere isubiye kuri gahunda yo gukinisha abanyamahanga, kikaba igikombe cya 22 mu mateka ya yo, yateguye ibirori byo kukishimira.

Ni ibirori yatumiyemo abahanzi bagezweho bagomba gususurutsa abakunzi b’iyi kipe muri Kigali Pelé Stadium.Kuri gahunda hari Bruce Melodie, Riderman na Chriss Eazy, aba bagafashwa ba Dj Toxxyk uri bube uvanga vanga imiziki.