Wednesday, February 21
Shadow

Kuki tariki 13 Gashyantare hizihizwa umunsi mpuzahanga w’agakingirizo ?

Umunsi w’agakingirozo cyangwa se ‘Umunsi Mpuzamahanga w’agakingirizo wizihizwa tariki 13 Gashyantare buri mwaka, ukizihizwa mbere y’umunsi umwe ngo habe Umunsi w’abakundana [Valantine’s Day].Kuri uyu munsi w’agakingirizo ibigo bitandukanye ku Isi byirirwa bitanga udukingirizo tw’ubusa.

 

Intego y’uyu munsi , aba ari ukwibutsa abantu bose ko gukoresha agakingirizo bituma habaho kwirinda inda zitateguwe ntihabeho kwanduzanya indwara zirimo; SIDA, n’izindi zandurira mu mibonano mpuzabitsina.Kuri uyu munsi baba bavuga ko kandi ‘Agakingirizo karoroshye kugatwara kandi nibwo buryo bwiza bwo kwirinda SIDA, inda zitateguwe n’izindi ndwara zandurira mu mibonano mpuzabitsina idakingiye’.

 

Bavuga ko agakingirizo kagira uruhare mu kugaragaza uburyo umuntu runaka yikunda cyangwa akunda ubuzima bw’uwo bakundana cyangwa babana n’undi wese bashobora kugirana ubushuti.Agakingirizo kagaragaza uwo uri we.Agakingirizo kandi gakwira uwari we wese kuko mu kugakora bita ku buryo gashobora gukwira uwari we wese uko yaba angana kose.Kuri uyu munsi abantu basabwa guhitamo utwo bashaka ariko bakagira kwirinda.

 

Umuryango wita k’ubuzima WHO, utangaza ko abantu bakwiriye kumenya neza imikoreshereze y’agakingirizo na cyane ko uyu muryango wita k’ubuzima bw’abatuye Isi , aho kuri iyi tariki ya 13 bagiye ahantu hatandukanye gutanga udukingirizo.Kuri uyu munsi , WHO ikoresha ibishoboka byose kugira ngo yigishe abantu agakingirizo.

Share via
Copy link