Kubona kuri The Ben mu Burundi hari abo bizasaba kwishyura Miliyoni 10 ndetse akanabasura bakaganira

The Ben uterejwe kuririmbira mu gihugu cy’u Burundi, azabanza ahure n’abakunzi be tariki 30 Nzeri 2023, mbere gato yo gutarama ku 1 Ukwakira.

Ku wa 5 Nzeri 2023 nibwo umuhanzi Mugisha Benjamin yaganiriye n’itangazamakuru , abateguye iki gitaramo bagaragaza imiterere yacyo.Ni ikiganiro n’itangazamakuru cyabereye ahazwi nka Panoramique.Iki gitaramo cyateguye na Now Now Campany isanzwe itegura ibitaramo i Burayi, arinayo yatumiye The Ben, yahishuye ko iyi ariyo nshuro ya Mbere iteguriye igitaramo i Burundi.

Muri iki kiganiro n’itangazamakuru, abatugura iki gitaramo bagaragaje ko The Ben ari muhanzi ufite igikundiro gitangaje mu Burundi ndetse ko ariwe wabataramira bigatunda.Mbere y’igitaramo , hazabanza umuhango wo kuganira n’abakunzi be, aho itike azaba Miliyoni 100 z’amafaranga y’amarundi, Miliyoni 2 na Miliyoni 10 z’Amarundi.Bavuze ko kuri iyi tike, hazaba harimo kurya no kunywa ndetse no gusurwa na The Ben.

Igitaramo nyirizina kizabera ahazwi nka Jardin Public aho kwicira azaba ari ibihumbi 50 RWF bihuye n’ibihumbi 10 by’Amarundi, ibihumbi 500 ndetse n’ameza ya Miliyoni imwe n’ibihumbi maganatanu..

Mugisha Benjamin wamamaye nka The Ben ni umwe mu bahanzi ntakorwaho haba hano mu Rwanda ndetse no hanze y’u Rwanda.Uyu mugabo wa Pamela agiye gukora iki gitaramo mu gihe ubukwe bwabo nabwo buri bugufi nyuma yo gusezerana mu Murenge imbere y’amategeko.