Thursday, June 13
Shadow

Cherry Starr nawe yakurikiye umugabo we

Uwahoze ari umugore wa Bart Starr nawe wapfuye muri 2019 , yapfuye ku myaka 89 y’amavuko.

Aba bombi bashakanye mu 1954 kugeza muri 2019 ubwo batandukanyijwe n’urupfu ubwo umugabo we Bart Starr yapfaga.Uyu mugabo yari icyamamare mu mikino ya Super Bowl ikunzwe muri Leta Zunze Ubumwe za Amerika.

Urupfu rwa Cherry Starr rwatangajwe n’umuhungu we Bart Junior.Uyu musore yagize ati:” Mama wanjye yapfuye mu masaha make atambutse.

Yapfuye ari mu mahoro n’umutuzo.Agahinda ko kumubura ntabwo kazigera gahuzwa n’uburyo tubuze uw’ingenzi mu buzima bwacu”.

Urupfu rwa Nyakwigendera kandi rwemejwe n’umuryango yashinze mu 1965 wanyujije itangazo ku mbuga nkoranyambaga zawo.