Babwiranye amagambo y’urukundo ! Michelle Obama na Barack Obama bizihije isabukuru y’imyaka 31 bamaze barushinze

Barack Obama yifatanyije n’umugore we Michelle Obama mu kwizihiza isabukuru y’imyaka 31  bamaze barushinze  babwirana amagambo y’urukundo.

Mu butumwa  bwari bumaze kurebwa n’abantu barenga Miliyoni 10 kurubuga rwa X ubwo twakoraga iyi nkuru , Back Obama , yakoresheje ifoto ye n’umugore we Michelle Obama , bahagaze ahantu heza harambutse bafatanye ndetse bari no guseka.Muri iyi foto yabagaragaje nk’abantu basanzwe rwose, yarengejweho amagambo adasanzwe Obama yabwiraga umugore we.

Barack Obama yagize ati:”Isabukuru nziza y’igihe tumaranye mukundwa Michelle Obama.Uri umuhanga , Ugira ubupfura , Uranshimisha , ndetse uri mwiza cyane kandi ndi umunyamahirwe kukwita uwanjye”.

Nyuma y’ubu butumwa bw’umutware, Michelle Obama nawe yanyuze kuri Konti ye ya X agira ati:”Imyaka 31 ndetse n’ubuzima bwose turi kumwe, Nkunda guca mu buzima ndi kumwe na we iruhande rwanjye Barack Obama. Isabukuru nziza y’imyaka tumaranye urukundo”.

Aba bombi bakomeje kuba isomo kubakundana ndetse no kurungano rwabo.Barack Obama yabaye Perezida wa 44 wa Leta Zunze ubumwe za Amerika.

Happy anniversary, sweetheart! @MichelleObama, you're brilliant, kind, funny, and beautiful—and I'm lucky to call you mine. pic.twitter.com/Ak147b5zDJ

— Barack Obama (@BarackObama) October 3, 2023

31 years, and a lifetime to go. I love going through life with you by my side, @BarackObama. Happy anniversary, honey! ❤️ pic.twitter.com/Hvz0JbhiW8

— Michelle Obama (@MichelleObama) October 3, 2023