Igitego cya Fenohasina Gilles winjiye mu kibuga asimbura, cyahesheje Al Merrikh SC intsinzi mu mukino wa Shampiyona w'ikirarane wayihuje na Police FC.
Igitego cya Fenohasina Gilles winjiye mu kibuga asimbura, cyahesheje
Al Merrikh SC intsinzi mu mukino wa Shampiyona w'ikirarane wayihuje na Police FC.
Ni umukino watangiye ku isaha ya saa cyenda (15H00),kuri Kigali Pelé Stadium, Ni Umukino wihutaga ku mpande zombi.
Ku munota wa 2 Police FC yarifunguye amazamu ku mupira Keffa Tangara yahinduye imbere y'izamu maze umunyezamu Mohamed Alnour awufashe umuca mu ntoki ariko unyura hanze gato y'izamu, havuyemo koruneri itagize icyo itanga.
Muri iyi minota umukino warimo ukinirwa mu kibuga hagati, nta kipe irimo kurema uburyo bwavamo ibitego.
Ku munota wa 16, Ibrahima Traore wa Al Merrikh FC yinjiranye ubwugarizi bwa Police FC ariko ateye mu izamu umupira unyura hanze gato.
Ku munota wa 18 ubwo Teya Tutu wa Police FC yacomekerwaga umupira mwiza ateye mu izamu David Chimezie araryama awushyira muri koruneri itagize icyo itanga.
Ku munota wa 20, Keffa Tangara wa Police FC yagerageje ishoti rikomeye ariko rinyura yanze y'izamu.
Ku munota wa 27,Al Merrikh SC yarimo ishaka igitego Moussa Camara yafashe umupira, acenga abakinnyi batatu ba Police FC ariko ateye mu izamu, Rukundo Onesme arawufata.
Ku munota wa 30, Moussa Camara wa Al Merrikh yaje guhusha ubundi buryo ku mupira mwiza wari uhinduwe na Sarr ariko Camara agiye gushyira mu izamu ujya hejuru yaryo.
Ku munota wa 40, Enock Morrison yagerageje ishoti rikomeye ariko umunyezamu awushyira muri koruneri itagize icyo itanga.
Iminota mirongo ine n'itanu (45') yarangiye nta kipe ishoboye kubona igitego mu izamu ry'indi.
N'igice cya mbere cyaranzwe no gusatirana ku mpande zombi n'ubwo nta kipe yashoboye Kubona igitego.
Igice cya mbere cyarangiye nta kipe n'imwe ishoboye gufungura amazamu ari ubusa ku busa(0-0).
Mu Gice cya Kabiri
Amakipe yombi yatangiye igice cya kabiri akora impinduka, Police FC Moussa Limane yavuye mu kibuga hinjiramo Ndikumana Asman ni mu gihe Al Merrikh SC, Mohamed Shamele yahaye umwanya Fenohasina Gilles Razafimano.
Ku munota wa 56, Al Merrikh SC yakoze impinduka ebyiri Mohammed Teya na Chikumbutso Salima bavuyemo hinjiramo Mohamed Gbane na Rijaniana Nicolas.
Ku munota wa 58, Ndikumana Asman wa Police FC yarafunguye amazamu ku mupira yari ahawe na Gakwaya Leonard ariko ateye mu izamu, umupira unyura hanze.
Al Merrikh SC yahise ikora izindi mpinduka, Muitaba Faisal havamo Ramadan Agab Shareif Feren.
Ku munota wa 61, Keffa Tangara wa Police FC yabonye amahirwe yo gutsindira Police FC nyuma yo guhabwa umupira ari mu rubuga rw’amahina ariko ateye mu izamu unyura hanze .
Ku munota wa 64, Fenohasina Gilles wa Al Merrikh FC yateye ishoti ariko umupira ukubita igiti cy'izamu ryari ririnzwe na Rukundo Onesme.
Ku munota wa 67 Al Merrikh FC yakoze impinduka Sarr aha umwanya Daba Sogoba.
Ku munota wa 74, Police FC yakoze impinduka ebyiri Iradukunda Simeon na Kwitonda Alain bahaye umwanya Manishimwe Djabel na Mutembe Paul.
Ku munota wa 83 Al Merrikh FC yafunguye amazamu ku gitego cyatsinzwe na Fenohasina Gilles Razafimano ku mupira wari uvuye muri koruneri yari itewe na Enock Morrison.
Iminota mirongo icyenda (90') yarangiye Al Merrikh FC iyoboye n'igitego 1-0.
Umusifuzi wa kane yongeyeho iminota itanu yinyongera (5').
Ku munota wa gatatu w'inyongera (93') Police FC yabonye amahirwe yo kwishyura igitego kuri kufura yaritewe na Manishimwe Djabel maze Ndikumana Asman ashyizeho umutwe, umupira unyura hanze gato y'izamu.
Umukino warangiye Al Merrikh FC itsinze Police FC igitego 1-0.
Ibyifuzo by’abasomyi
