BK Pro League 2026-2027: Marine FC yatsinze Al Hilal FC,mu mukino w'ikirarane iyobora BK Pro League byagateganyo

Marine FC yatsinze Al Hilal FC,mu mukino w'ikirarane w'umunsi wa Kabiri wa utarabereye igihe kuko Al Hilal FC yari mu mukino nyafurika aho yanakomeje mu matsinda.

 

Ni Umukino mbere y'uko uba Al Hilal FC niyo yahabwaga amahirwe yo gutsinda uyu mukino nyuma yo kwitwara neza mu mikino nyafurika.

Umukino wabereye mu karere ka Rubavu aho Marine FC yari yakiriye Al Hilal FC. Ni Umukino watangiye ku isaha ya saa cyenda(15H00).

Ku munota wa 15 gusa  Marine FC yarimaze gufungura amazamu ya Al Hilal FC. 

N ' igitego  cyitsinzwe n'umukinnyi wa Al Hilal FC Rawa Mohamed, ku mupira watewe na Sibomana Sultan Bobo wa Marine FC uvuye muri koruneri, umukoraho ( Rawa Mohamed ) uruhukira mu izamu rya Al HILAL FC.

Ku munota wa 27 Marine FC yabonye uburyo bwari bukomeye bwashoboraga kuvamo igitego ariko Niyonkuru Hashim warebanaga n'izamu umupira awutera hejuru.

Ku munota wa 31, Marine FC yabuze igitego k'umupira Niyonkuru Hashim awutera mu biganza by'umunyezamu wa Al Hilal FC.

Ku munota wa 38 Godwin Frimpong wa Al Hilal FC yagerageje ishoti riremereye ariko umupira unyura hejuru y'izamu.

Umusifuzi wa kane yongeyeho iminota itatu y'inyongera.

 Igice cya mbere cy'umukino cyzrangiye Marine FC iyoboye n'igitego 1 - 0 Al Hilal FC.

Mu Gice cya Kabiri 

Igice cya kabiri cy'umukino cyatangiranye impinduka aho Marine FC yinjije mu kibuga Nyarugabo Moise asimbuye Bizimana Yannick.

Ni mu gihe Al Hilal FC nayo yakoze impinduka Kamaradini Mamadu na Ansumana Samura basimbura Bema Souley Kane Sanogo na Amgad Esam Gibrai librahim.

Ku munora wa 65, Marine FC yongeye gukora impinduka Usabimana Olivier asimbura Sindi Paul Jesus.

Ku munota wa 67, Marine FC yabonye igitego cya Kabiri cyatsinzwe na Rutayisire Amaniku mupira waruvuye muri koruneri usanga ahagaze neza awutereka mu izamu.

Ku munota wa 69, Al Hilal FC yahise yongera gukora impinduka Adama Coulibali asimbura Petrus Aprocius.

Ku munota wa 70, Marines FC yongeye gukora impinduka Mukire Confiance asimbura Sibomana Sultan Bobo.

Ku munota wa 74, Nyarugabo Moise wa Marine FC yahushije igitego arebana n'umunyezamu wa Al Hilal FC umupira awutera mu biganza bye.

Ku munota wa 82, Marine FC yakoze impinduka Niyibizi Ramadhan asimbura Niyonkuru Hashim.

Ku munota wa 90 Al Hilal FC yagerageje uburyo yakishyura igitego ku ishoti riremereye ryatewe na Adama Coulibali, umupira unyura iruhande rw'izamu.

Iminota mirongo icyenda (90') yarangiye Marine FC iyoboye n'ibitego 2-0.

 Umusifuzi wa kane yongeraho iminota itandatu y'inyongera.

Ku munota wa 93,winyongera Niyibizi Ramadhan wagiyemo asimbuye yatsinze igitego cy'agatatu gishyimangira intsinzi ku mupira mwiza yahawe mu kibuga hagati ariruka asiga ba myugariro ba Al Hilal FC awutera mu izamu.

Umukino warangiye Marine FC itsinze Al Hilal FC ibitego 3-0 ihita ifata Umwanya wa mbere w'agateganyo muri BK Pro League.