Wednesday, February 21
Shadow

Juve Art yasabye ababyeyi ikintu gikomeye

Umuhanzi Juve Art ntiyumva impamvu ababyeyi badaha ubufasha abana babo bafite impano yo kuririmba.

 

Umuhanzi ukiri muto uri mu bari kuzamuka neza Juve Art yavuze byinshi ku ntego ze mu muziki  aboneraho umwanya wo gusaba ababyeyi kujya bemerera abana babo kujya mu buhanzi mu gihe  babishaka babikunda.

Izabarinda Juventus [Juve Art ], akorera umuziki mu karere ka Musanze mu ntara y’Amajyaruguru. Mu kiganiro  yagiranye na  Umunsi.com ,  yavuze ko ashaka kuzamura umuziki Nyarwanda akawugeza ku rundi rwego ariko cyane yita ku bahanzi bagenzi be b’i Musanze.

 

Yakomeje avuga ko asaba abafana be gukomeza kumufasha no kumushyigikira mu muziki we kugira ngo akomeze agere kure arinako ateza imbere abandi.

 

Kimwe mu bintu bikomeye yasabye ababyeyi, ni ugushyigikira impano z’abana bakajya mu buhanzi kuko ngo umuntu wese ugiye mu buhanzi atariko aba agiye mu ngeso mbi nk’uko benshi bakunda kubivuga.

Mu ntangira z’uyu mwaka Art , yasezeranyije abakunzi be ko agiye gukomeza kubaha indirimbo nyinshi nziza ndetse arinako abasaba gukomeza kumushyigikira.

Share via
Copy link