Kwizera Jean de DieuHarvey Weinstein, wamamaye muri sinema ya Hollywood kuri ubu uri muri gereza, arwaye ‘Kanseri’.
Uyu mugabo w’imyaka 72 wamamaye mu gutunganya filime, abantu ba hafi ye babwiye The New York Post dukesha iyi nkuru ko yasanzwemo ‘Kanseri’ mu ntangiro z’uku kwezi.Gusa, abavugizi be babyamaganiye kure bavuga ko ari ibihuha bidafite ishingiro, ku buzima bw’uyu mukambwe.
Abavugizi b’uyu mugabo bavuga ko kandi Craig Rothfeld, usanzwe ari umuganga we wemewe n’amategeko yababajwe n’ibi bise ibihuha.Weinstein yari umwe mu bikomerezwa mu ruganda rwa sinema muri Amerika kugeza mu 2017, ubwo abagore batandukanye bamushinjaga kubasambanya ku gahato n’ibindi byaha.
Muri Mata uyu mwaka Urukiko rw’Ubujurire rwari rwakuyeho iki gihano, ruvuga ko uyu mugabo w’imyaka 72 atahawe ubutabera bukwiriye. Ariko, n’ubundi Weinstein ntabwo yari gufungurwa, kuko yahamwe n’ikindi cyaha cyo gufata abagore ku ngufu yakoreye muri Leta ya California, aho yakatiwe imyaka 16 y’igifungo.
Gusa, Umucamanza mu Rukiko rwa New York muri Nyakanga uyu mwaka, aheruka gutangaza ko , uru rubanza rwo muri uyu mujyi ruzongera rugatangira gusubirwamo bundi bushya.Nyuma yo gutangaza ibi ubushinjacyaha bwatangaje ko buteganya nabwo kongeramo ibindi birego byerekeye ibyaha uyu mugabo yakoze mu bihe bitandukanye byo gusambanya abagore ku ngufu.
Buvuga bufite abandi batangabuhamya bashya gusa ntabwo ibirambuye kuri bo birajya hanze. Weinstein afungiwe i New York City.Weinstein yubatse izina mu gutunganya filime, nyuma yo gutangiza Ikigo cya Miramax cyakoraga ako kazi.
Mu 2018, nyuma y’uko ibirego bimushinja byari bitangiye gufata indi ntera, yaje gutangaza ko Ikigo cye cy’ubucuruzi cyahombye.
