Niwe mugore wa mbere ukize cyane ku isi

Ingoma ya Françoise Bettencourt Meyers irakomeje. Umwaka wa gatatu yikurikiranya, umuragwa w’Ubufaransa agumana izina ry’umugore ukize cyane ku isi, umutungo we ufite agaciro ka miliyari 80.5 z’amadolari, yiyongereyeho miliyari 5.7 z’amadolari ku mwaka ushize.

Bettencourt Meyers ari ku mwanya wa 11 ku isi ukize cyane muri rusange, kuva ku mwanya wa 14 umwaka ushize. Ni umwe mu bagore 337 gusa bari ku rutonde rw’abatunze za miliyari y’amadolari muri 2023 ku isi, nk’uko tubikesha urubuga ‘Forbes’  bagize 13 ku ijana gusa by’abaherwe 2,640 bazitunze ku isi.

ubutunzi bw’uyu mugore w’imyaka 69 buturuka ku gushora muri bisinesi z’ibijyanye n’ubwiza nk’ibijyanye n’umusatsi, na sosiyeteye ya ‘the L’Oréal group’. Isosiyete yash hashize imyaka irenga 100 ishinzwe na sekuru wa Bettencourt Meyers, yinjije miliyari 38.2 muri 2022 kandi ikoresha abantu barenga 85.000. Ububiko bwa L’Oréal bwazamutseho 12% mu mwaka ushize bitewe n’abakiliya benshi byatumye habaho inyungu nziza kuruta uko byari byitezwe ndetse no kugurisha inyandiko muri 2021.

Bettencourt Meyers agenzura hafi 33% bya L’Oréal hamwe numuryango we. Yarazwe imigabane n’izina ry’umugore ukize cyane ku isi kuva kuri nyina, Liliane Bettencourt, witabye Imana mu 2017. Bettencourt Meyers  yatangiye kujya bwa mbere ku rutonde rwa ba miliyarideri muri 2018 nk’umuntu mushya ukize cyane, igihe yari afite agaciro ka miliyari 42.2 z’amadolari.

Umuturage w’Ubufaransa, yinjiye mu buyobozi bwa L’Oréal kuva muri  1997. Abahungu be bombi, Jean-Victor na Nicolas, ubu bicaye na bo mu buyobozi. Ibirango bya L’Oréal birimo ibicuruzwa byo kwisiga, kuva kuri Kiehl na Lancôme kugera kuri Wendalline na La Roche-Posay. Iyi sosiyete yagiye ikora ibicuruzwa byo gukurura abakiriya ba Gen Z. 

Kuva yatwara umwanya wa nyina ku rutonde, Bettencourt Meyers yakomeje kuzamura umutungo w’umuryango. Ni  umuyobozi kandi  wa sosiyete ‘Téthys Invest’, aho yashyigikiye imishinga myinshi, harimo n’umuyobozi w’ibitaro byigenga by’Ubufaransa Elsan.

Yatanze kandi umusanzu mwinshi w’abagiraneza. Hamwe na L’Oréal, Bettencourt Meyers yemeye miliyoni 230 z’amadolari zo kongera kubaka Katederali ya Notre-Dame mu 2019. Ni na perezida w’ikigo cy’umuryango, Fondasiyo ‘Bettencourt Schueller’, ishishikariza iterambere ry’Abafaransa mu bumenyi n’ubuhanzi.

Source: www.forbes.com

Image from; New Trader U