Kwizera Jean de Dieu
Hari impamvu nyinshi zituma umuntu akanguka saa cyenda z’ijoro akaba atabasha kongera gusinzira, kandi izi mpamvu zishobora gutandukana bitewe n’imiterere y’umuntu n’imibereho ye. Muri izo mpamvu twavugamo izi zikurikira:
1. Umunaniro Ukabije n’Ihangayiko:
Umunaniro ukabije cyangwa ihangayiko rishobora gutuma umuntu akanguka mu gicuku. Iyo umuntu ahangayitse cyane, umubiri urushaho gukora cyane ndetse ugatangira gukora umusemburo wa cortisol, uzamura amaraso, bikaba byatuma bikangura.
2. Ibibazo By’Imihumekere:
Indwara zifata imihumekere mu gihe cyo gusinzira, nka sleep apnea, aho umuntu ahagarika guhumeka mu gihe arimo gusinzira, nazo zishobora gutuma umuntu akanguka mu masaha yo mu gicuku. Iyo habayeho guhagarara guhumeka, bituma umuntu abyuka kugira ngo abashe kongera guhumeka neza.
3. Guhindagurika ku igihe cy’Imiryamire
Hari igihe imihindagurikire y’ibihe cyangwa gahunda z’ubuzima zishobora gutuma umuntu ahindura igihe cyo kuryama no kubyuka. Iyo umuntu adafite isaha ihamye, hari ubwo usanga yaryamye haki kare cyanr, bikaba byatuma akanguka mu gicuku.
4. Gukoresha Ibinyobwa Birimo Caffeine:
Ibinyobwa birimo caffeine cyangwa ibiribwa byiganjemo isukari bishobora gutuma umuntu akanguka mu gicuku kuko bifite ubushobozi bwo kuzamura ubushake bwo kuba maso ndetse bikaba bishobora gutuma umubiri utakaza ubushake bwo gusinzira.
5. Ibibazo by’Indwara z’Imitsi
Ibibazo by’indwara z’imitsi nka Restless Leg Syndrome, aho umuntu yumva mu birenge hameze nk’ahaboze, bishobora gutuma akanguka mu gicuku kubera kwigunga cyangwa kwishima kw’imitsi.
Iyo umuntu akanguka mu gicuku kandi akabura uburyo bwo kongera gusinzira, ni byiza kugerageza kumenya icyaba kibitera no kugerageza uburyo bwo kubikosora. Kwiyambaza muganga cyangwa umujyanama w’ubuzima bishobora kuba byafasha kubona ibisubizo byiza kuri ibyo bibazo.
