Ikipe ya Liverpool yongeye kwiyibutsa amateka yaherukaga mu myaka 20 ishize itwara Primer League itsinze Tottenham Hotspur 5:1.
Liverpool yatsinze Tottenham Hotspur 5 kuri 1 mu mukino w’umunsi wa 34 wa Shampiyona y’u Bwongereza ku wa 27 Mata 2025 ari nabyo byatumye ihita itwara igikombe cya Premier League itaherukaga gukozaho imitwe y’intoki.
Liverpool yagiye kuri Anfield Stadium isabwa kunganya gusa kuko mukeba wayo Arsenal yari yatsikiye ikanganya na Crystal Palace.
Ikipe ya Liverpool yatsinze Igitego ku munota wa 12 naho ku wa 14 Tottenham Hotspur irishyura biha umukino ubukana kugeza Liverpool yongeyemo ibindi bitego 3.
Liverpool na Manchester United niyo makipe amaze gutwara iri rushanwa inshuro nyinshi dore ko zombi zinganya umubare w’inshuro zimaze kubitwara.
Liverpool izashyikirizwa igikombe ku wa 25 nyuma y’umukino n’ubundi uzayihuza Crystal Palace.
Liverpool yaherukaga igikombe mu mwaka wa Shampiyona wa 2019 na 2020 ubwo yari ifite amanota 99 ihigitse Manchester City yari ifite 81.
