Kwizera Jean de DieuTHE BEN NA MEDDY MURI PRESSONE BASOHOREYEMO INDIRIMBO NYINSHI ZIRIMO ; Habibi , Nasara n’izindi.
Jado Castar na mugenzi mu kiganiro na The Ben iwe mu rugo, bagarutse kuri Press One yakunzwe n’abatari bake bigendanye n’indirimbo zasohorewemo ariko nyuma ikaza kuburirwa irengero.
The Ben yagize ati:”Nyuma yo kugenda kwacu , hari abahanzi bahise babona uburyo bwo kwamamara nka King James, Jay Polly, ,.. Ntabwo nshaka kuvuga ko aritwe twari ‘Topic” ya buri munsi ariko nanone dukwiriye kureba kuri icyo kintu kandi ari nayo ntego yakabaye mu myidagaduro.Nyuma yo kugenda , twumvise (Meddy na The Ben) hari icyo tugomba abantu. Twarabahemukiye , turabatenguha, none ni iki twakora kugira ngo duhite tubibutsa ko turi abana b’u Rwanda. Ikintu twafasheho icyemezo, tugihindure dukore umushinga tuwereke abantu. Uko niko PressOne yabayeho”.
The Ben, yasobanuye ko Lick Lick yagiye muri Amerika ajyanywe na The Ben na Meddy ku mushinga wa PressOne.
BYAGENZE GUTE KUGIRA NGO THE BEN NA MEDDY BAJYE HANZE NYUMA YO KWAMAMARA?
Mu gusobanura impamvu yatumye bajya muri Amerika bakagumayo, The Ben yagize ati:”Ni icyemezo tutari dufite , abantu babyumve neza kuko Meddy yari yabanjeyo yajyanye na nyakwigera Minisitiri Habineza baragaruka, muyandi magambo ntabwo gahunda yariyo kugira (Kugenda). Nkajye ntabwo narinziko iyi yariyo ‘Calling’ umuhamagaro. Narinziko kwari ukuramya Imana gusa. Mukba rero byaregenze kuriya byaramaze gufata intera nk’uko ubivuze, Igihugu kiri gushaka abana bacyo, byafashe urundi rwego, twebwe tugira amahirwe yo kugenda. Ntabwo twari dufite kiriya cyemezo cyo kugera tugezeyo”.
Yakomeje agira ati:”Intego yari iyihe rero ! Twashakaga kurangiza amasomo, byari bigoye cyane ko umuhanzi w’igihangange nka Meddy, kuko abantu bacu bari hamwe, baregeranye baraziranye ku buryo umuhanzi ukunzwe wari ufitiwe urukundo (N’ubu afitiwe), ntabwo byari kumworohera kujya ,.. ku ntebe y’ishuri ngo yige. Njye nanabisabira imbabazi kuri Camera, twibagiwe urukundo twahawe n’Abanyarwanda turikunda cyane , ariko nta bundi buryo bwari buhari bwagombaga kutugira abagabo”.
Ati:”Meddy niba afite Education yifuza cyangwa se yifuzaga icyo gihe. Wenda yari kujyayo mu bundi buryo, icyemezo twafashe ntabwo cyari icya kigabo cyane. Cyari icyemezo waha inyito wa ‘Disappointment’. Twatengushye abakuru , abayobozi batwohereje ariko twagumanye umutima w’igihugu. Icyari kuba kibabaje kurushaho , ni ukugenda, ukandagara, hashize imyaka ibiri, dushyira hanze indirimbo , tuvuga u Rwanda”.
Yakomeje avuga ko kucya muri Amerika cyari igikorwa cy’ubwana ariko ko icyakurikiyeho cyahesheje Igihugu akamaro.
KUKI MBERE MWARI BENSHI ARIKO AMAKIMBIRANE HAGATI Y’ABAHANZI N’ABAKORA INDIRIMBO BIKABA BIKE ? MWABIGENZAGA GUTE ? [ JADO CASTAR ABAZA THE BEN ]
The Ben ati:”Nkubwije ukuri, ‘Role’ zakinwe n’impande zombi ariko ahanini zakinwe n’abato. Ni ukuvuga ngo naje nziko ngomba bidasubirwaho icyubahiro Rafiki, Naje nziko bidasubirwaho ngomba icyubahiro Tom Close , ndetse na Liza. Nkafata Telefone ngahamagara Rafiki, nkafata telefone nkavugana na Liza, umuntu ntajya nkunda kumenya aho namufatishiriza ni Miss Jojo ariko Miss Shannel turavugana. Bariya bantu rero tubagomba icyubahiro”.
Yakomeje agira ati:”Ntekereza ko burya , iyo umuntu ashinguye ikirenge ni nko kukubwira ngo , humura ahaho nta mahwa ahari.Umuntu iyo ashinguye ikirenge ukahakandagira , ni ikintu uba utagomba gufata uko ubonye. Abato twagombye abakuru icyubahiro kandi niko byakagenze. Imyidagaduro ni isoko idashobora gukama”.
The Ben yavuze ko kera , babayeho bubahana , abahanzi bato bubaha abakuru, agereranya uruganda rw’imyidagaduro nk’isoko y’amazi adakama buri wese agomba kuzanywaho bityo ko ntawe ukwiye kumva ko kugira ngo atere imbere ari uko abanza gukuraho mugenzi we.
UKO THE BEN NA MEDDY BABAYE ABACUNGUZI B’UMUZIKI NYARWANDA.
Mukiganiro hagati , Claude ahamije ko The Ben na Meddy baribo bahanzi bagaragaye nk’abashobora kuzacungura umuziki Nyarwanda , ukajya ku rwego mpuzamahanga , ugakinwa ahantu hose. Ati:”The Ben na Meddy baza, twahise dutangara, ntabwo twatangajwe n’uko ari ikindi kintu kije ahubwo ko ari ahandi ibintu byagera.Noneho biza ari abantu bashoboye. Niba mwibuka neza, ubwo The Ben yazaga, abantu barizabaga ariko ko twumva Abanyarwanda bagerageza kuririmba tukumva ari nta kintu kirimo?“.
Yakomeje avuga ko abanyamakuru bo muri kiriya kihe , hari ubwo bakiraga abahanzi bakumva ntakintu kirimo ariko mu kwanga kubaca intege bakabakomeza, gusa ashimangira ko Meddy na The Ben bageze muri muzika Nyarwanda bujuje ibintu byose bisabwa ngo bamamaze ku rwego mpuzamahanga.
Ati:”The Ben ari mu bantu baziye igihe, baza tubakeneye , baza bagirango twerekane ko Abanyarwanda atari ukwambara imishanana gusa no kwambara imigongo ariko no mu Kuririmba , abana bahogoza bikagenda neza. Ba Chameleon na Alikiba barazaga bagatwara amafaranga hano abantu bakishyura ngo bajye kubareba. Rero aba baje ari nk’abacunguzi b’umuziki wacu”.
Jado Castar avuga ko we na Tom Close na Alex Muyoboke aribo bakoze gahunda y’uko The Ben agomba kujya muri Studio akaririmba byanga bikunze, gusa nanone avuga ko byari bizwi ko The Ben atari umuhanzi ukunda kujya muri biracitse , ndetse akabona ko impano ya The Ben yari karemano.
The Ben avuga ko kwanga gukora indirimbo bya muranze , kwari ukugira ngo adahemukira umubyeyi we [Mama we] wari umuyobozi mu rusengero The Ben yasengeragamo ari umuyobozi w’indirimbo muri Korali. Ati:”Icyo abampatiraga gukora indirimbo z’Isi batamenyaga ni uko nabyaga kuko ntashakaga gutenguha umubyeyi wanjye”.
Ifoto The Ben yashyize hanze muri 2017Mugisha Benjamin wamamaye nka The Ben muri muzika Nyarwanda yatangaje ko atigeze agira inzozi cyangwa ngo yiyumishe ko azaba icyamamare.Ibi yabitangaje mu Kiganiro kirambuye yagiranye na Jado Castar ukora kuri B&B Kigali, cyibanze cyane ku buzima bwa The Ben muri muzika Nyarwanda.
Muri iki kiganiro, Jado Castar yabajije The Ben ati:”Ese wari uziko uzaba umuhanzi mpuzamahanga ?. Muri icyo gihe , inzozi z’uko igihe kizagera ukaba ‘Megastar, a Continental Star , an Internal Star zari zihari ? ”.
The Ben ku musubiza yagize ati:”Muri icyo gihe , izo nzozi ntabwo zari zihari. Niba zari zinahari, byari mu gisata cya ‘Gospel’. Nkunda kubivuga , inzozi zirakura kandi ziranahinduka buriya, ariko muri icyo gihe ( In that Particular Moment), nari mfite imyaka muri 17 na 18, nashakaga kwiga, ntabwo zari zihari”.
Yakomeje agira ati:”Ni nayo mpamvu ba Manager, Tom Close n’abandi, babaga bamfitiye umujinya byahatari , kubera ko benshi ntabwo nabasubizaga kubera ko nari umuyobozi w’abaririmbyi mu rusengero (Gospel Worship Leader). Byansabye ku rwana n’umutima rwose”.
Yavuze ko indirimbo ye ya mbere ‘Amaso ku maso’ yaririmbye ku ngufu ubwo yajyaga muri Studio. Ati:”Buriya indirimbo ya mbere nayiririmbye ku ngufu.Amaso ku maso, nayiririmbye ku ngufu byari bimeze nko kumfatiraho imbunda. Meddy yari avuye muri Studio kandi twararirimbanaga mu rusengero , avuye muri ‘Studio’ amaze gukora indirimbo yitwa Ngirirubuntu. Ubwo narahinjiye ‘Ezra Kwizera’ afatanyije n’abandi ba Manager, bahita bashyiramo ‘Ngirirubuntu’ ya Meddy ariko bakanshinja kudashaka kuririmba”.
Akomeza agira ati:”Ibaze ko indirimbo amaso ku maso nayifashe amajwi (Recording) atari iyanjye. Ni indirimbo twaririmbaga mu rusengero. Mu yandi magambo iriya ndirimbo ni ‘Gospel Song’. Barambwiye ngo njyamo hariya uvemo uyirangije.
