Ibiganiro by’amahoro bya DRC n’u Rwanda muri Angola nta bwumvikane bwagezweho

Kuri uyu wa kane, Minisiteri y’Ububanyi n’Amahanga wa Angola yatangaje ko inama ya Gatatu y’Abaminisitiri hagati ya Repubulika Iharanira Demokarasi ya Congo (RDC) n’u Rwanda, yaberaga muri Angola, nta masezerano y’amahoro yagezweho biyemeza  no gukomeza  kongera gusubukura ibiganiro.

Iyi nama yabaye ku ya 20-21 Kanama, yazanye abaminisitiri b’Ububanyi n’Amahanga b’Ibihugu byombi ku meza y’ibiganiro kugira ngo basesengure icyifuzo cy’amasezerano y’amahoro cyatanzwe na Perezida wa Angola, João Lourenço nk’umuhuza washyizweho n’umuryango w’ubumwe bw’Afurika (AU).

Impande zombi zafashe umwanzuro wo gukemura ibibazo byihariye by’icyifuzo cy’amahoro mu nama y’impuguke ku ya 29-30 Kanama, mu gihe ibiganiro bya 4 byaba minisitiri bizabera  i Luanda ku ya 9-10 Nzeri.

Iyi nama yabereye mu “mutuzo n’ubuvandimwe,” kandi impande zombi zashimangiye ko ziyemeje gufatanya gushakira igisubizo kirambye amakimbirane mu Burasirazuba bwa DRC.

Therese Kayikwamba Wagner, Minisitiri w’Ububanyi n’Amahanga w’ububanyi n’amahanga wa Congo, ubutwererane mpuzamahanga, na Francophonie, na Olivier Jean Patrick Nduhungirehe, Minisitiri w’Ububanyi n’Amahanga  n’ubutwererane Mpuzamahanga, w’u Rwanda nibo bari  bayoboye izo ntumwa.