Umugore w’imyaka 73 ugikora sport muri Gym akomeje gutangaza benshi

July 11, 2024

Umugore w’Umunyanijeriya w’imyaka 73, Ufite Imbaraga mu Gukora Siporo zo muri Gym akomeje gutungurana.

Mu gihugu cya Nijeriya, hari umugore w’imyaka 73 witwa Ethel Eno, uzwi cyane kubera imbaraga n’umwete agaragaza mu gukora siporo zitandukanye. Ethel, ufite imyaka myinshi kurusha abenshi muri kiriya gihugu, yakomeje gutangaza benshi kubera ubushake n’imbaraga yerekana mu mikino ya sport ndetse n’imikino njya rugamba izwi nka boxing.

Ethel atangaza ko yatangiye gukora siporo mu myaka myinshi ishize kandi ko ubu ari byo byabaye ubuzima bwe bwa buri munsi. Yagize ati: “Siporo yatumye ndushaho kumva ndi muzima kandi nishimye. Nta kintu na kimwe cyantangaza cyangwa kintera ubwoba kuko nzi ko nishoboye kandi mfite ubuzima bwiza.”

 

Uyu mugore w’inararibonye avuga ko umunsi we ugizwe no gukora imyitozo ngororamubiri igizwe no kuzamuka ku byuma no gukina box. Avuga ko ibi bimutera imbaraga nyinshi ndetse bigatuma agira ubuzima bwiza. Ethel kandi ashimangira ko gukora siporo mu buryo buhoraho bifasha umubiri kugumana imbaraga no guhangana n’indwara zandura n’izitandura.

Ethel Eno ni urugero rwiza rw’abantu bakuze bashobora gukora siporo kandi bakagira ubuzima bwiza. Abantu benshi bakomeje kwishimira ibikorwa bye, ndetse Bamwe bakifuza kumwigana kugira ngo na bo bagere ku buzima bwiza n’imbaraga nk’ize. Nk’uko abyivugira, imbaraga z’umubiri zihuzwa n’imbaraga zo mu mutwe, kandi siporo ni umuti ukomeye wo kwirinda indwara zitandukanye.

Abantu benshi b’i Nijeriya no mu bindi bihugu bakomeje kwibaza uko uyu mugore w’imyaka 73 abasha gukora siporo zikomeye nk’izo, ariko we agasubiza ko byose biva ku bushake, kwiyemeza no kutagira ubwoba bwo kugerageza ikintu gishya.

 

Ethel Eno kandi aributsa abantu bose ko imyaka ari mibare, kandi ko umuntu wese ashobora kugira ubuzima bwiza kandi akagumana imbaraga igihe cyose yiyemeje gukora siporo.

Leave a Reply

Your email address will not be published.

Previous Story

Umugore yasamye inda bafite imyaka 25 none agize 70 atarayibyara

Next Story

Card B n’u mugabo we bagiye kwizihiriza isabukuru y’amavuko y’umwana wabo i Paris

Latest from Inkuru Nyamukuru

Go toTop