Kwizera Jean de DieuMu Burasirazuba bwa Congo , M23 yafashe Umujyi muto wa Ishasha itarwanye nyuma y’aho ingabo za Wazalendo zihunze nk’uko byanditswe n’ibinyamakuru bitandukanye birimo na RFI dukesha iyi nkuru.
Uyu Mujyi wa Ishasha uhana imbibi na Uganda, wafashwe n’abarwanyi ba M23 hatabaye intambara kuko Wazalendo na Police bo muri Congo bahunze hakiri kare bakajya muri Uganda aho bahise bamburirwa intwaro.
Uku gufatwa kwa Ishasha kubayeho nyuma y’umunsi umwe hasinywe amasezerano ya Luanda. Abashinzwe umutekano muri aka gace, batangaza ko M23 yagafashe mu masaha ya kare yo kuri iki Cyumweru tariki 04 Kanama 2024.
Ishasha ni agace kari karimo Wazalendo ifashwa na Leta ya Congo ndetse na Police icyakora ngo bikuyemo barahungu na cyane hegereye Igihugu cya Uganda.
Nyuma yo gufata ako gace, M23 yakoranye inama n’abaturage baho barenga ibihumbi 11 bahatuye. Umujyi wa Ishasha wegeranye n’Ikiyaga cya Edward kiri mu Majyaruguru y’Iburasirazuba , kigakora no kuri Kivu y’Amajyepfo.
Ku munsi wo ku wa Gatandatu, izi nyeshyamba za M23 zigaruriye Umujyi wa Nyamilima, uri muri Rutshuru.
