umunsi .comLeta ya New York igiye gutangiza gahunda yo kuboneza urubyaro rw’imbeba mu rwego rwo kugabanya umubare wazo wiyongera mu Mujyi.
Ubu buryo bushya bwakozwe nyuma y’uko ubushakashatsi bugaragaje ko imbeba ziri mu Mujyi zishobora kuba zigera kuri miliyoni eshatu, bingana hafi na kimwe cya gatatu cy’abatuye New York.
Gahunda yiswe “Flaco’s Law,” izatuma imbeba zibona ibinini byo kuboneza urubyaro, bifite intego yo kugabanya ubushobozi bwazo bwo kubyara. Iyi gahunda izatangira mu mezi atandatu nyuma yo kwemezwa, ikazatangirira ahantu hamwe mu mujyi, aho hazaba hakurikiranwa imibare y’imbeba mbere na nyuma yo gukoresha ibinini.
Umuyobozi w’iyo gahunda, Shaun Abreu, yavuze ko n’ubwo ibinini byo kuboneza urubyaro ku mbeba bitazaba igisubizo cyihuse, biteganyijwe ko bizatanga umusaruro mu gihe kirekire.
Abreu yanasobanuye ko iyi gahunda yaje nyuma y’ibibazo byagaragaye mu kubarura imbeba hakoreshejwe imiti yica, ndetse n’urupfu rw’igikoko cy’ifuza, Flaco, wabuze ubuzima kubera umuti w’imbeba. Uruhare rw’iyi gahunda ni ukugabanya ubukana bw’imibare y’imbeba mu mujyi hatabayeho ingaruka ku zindi nyamaswa.
Iyi gahunda ikaba ikomeje kuganirwaho mu buryo bwimbitse, by’umwihariko ku ngaruka zayo ku buzima bw’inyamaswa n’ubusugire bw’ibidukikije mu mujyi.
Ubushakashatsi burakomeje, kandi igihe bizatangirira kizakomeza gukurikiranwa kugira ngo harebwe niba iyi gahunda izatanga umusaruro mu kugabanya umubare w’imbeba mu mujyi wa New York
