Kwizera Jean de DieuKamala Harris ni Visi-Perezida wa Leta Zunze Ubumwe za Amerika kuva ku itariki ya 20 Mutarama 2021. Yabaye umugore wa mbere ndetse ufite inkomoko mu bahinde wa mbere wagiye kuri uwo mwanya. Kamala Harris yavukiye Oakland muri California ku itariki ya 20 Ukwakira 1964.
Yize amategeko muri Kaminuza ya Howard n’ishuri ry’amategeko rya Kaminuza ya California, Hastings. Yatangiye umwuga we nk’umushinjacyaha, aho yabaye Umushinjacyaha Mukuru wa San Francisco hagati ya 2004 na 2011, ndetse n’Umushinjacyaha Mukuru wa California kuva 2011 kugeza 2017. Muri 2017, yatorewe kuba Senateri uhagarariye California mu Nteko Ishinga Amategeko ya Amerika, akaba ari na ho yavuye ajya kuba Visi-Perezida wa Leta Zunze Ubumwe za Amerika.
KAMALA HARRIS UMUKOBWA W’UMWIMUKIRA.
ubusanzwe Kamala Harris yavutse mu 1964 avukira muri Oakland muri Leta ya Calfonia.Mu byo yibuka , yavuze ko izina rye risomwa ngo ‘Comma – la’ , rigasobanura ururabo rwo muri Lotus , umutako mwiza cyane wo mu nzu ndetse rukagira n’igisobanuro kinini mu Buhinde dore ko Ise umubyara yimukiye muri Amerika avuye muri Jamaica ubwo yari agiye kwica isomo rya ‘Economy’ muri Kaminuza ya Calfonia ari naryo yigisha kugeza ubu muri Kaminuza ya Stanford.
Nyina wa Kamala Harris witwa Shyamala Gopalan Harris , nawe yimukiye muri Leta Zunze Ubumwe za Amerika avuye mu buhinde mu 1950. Nyina yaje kuba muganga wa Kanseri y’ibere n’umwe mu bayikoragaho ubushakashatsi cyakora ubuzima nti bwamukundira apfa muri 2009.Mu byo Kamala Harris yanditse harimo ko Ise na Nyina bahuriye muri Kaminuza ya Berkeley bakaza no gukundanira aho gusa bakaza gutandukana ubwo Harris n’umuvandimwe we Maya bakiri bato.
Yagiye avuga ko nyina ari we watumye we n’umuvandimwe we bakomera bakaba abagore bashikamye baribo uyu munsi nk’Abahinde ndetse nk’Abirabura.Yagize ati:”Amazina yacu afite inkomoko mu Buhinde atuma tuba abo dushaka kubabo, bituma dukora neza dukurira mu muco wabo”.
Ati:”Mama yumvaga neza ko arimo kurera abana babiri b’abakobwa b’Abahinde.Yumvaga ko aho yimukiye [Amerika], hazafata abakobwa be nk’abirabura, bityo atuma dukura nk’abakobwa bigirira icyizere ndetse batewe ishema n’uko ari Abirabura”.
IBYO KAMALA HARRIS YASHYIZE IMBEREE NK’IMPANO BWA MBERE.
Mu 1982, Kamala Harris yagiye muri Kaminuza ya Alpha Kappa Alpha, Kaminuza yakundaga kwigwamo n’Abirabura gusa.Muri iyi Kaminuza yakuyemo Diplome ya ‘Bacholor Degree’ muri ‘Political Science and Economy’ ndetse yabaye umugore wa mbere wize muri Kaminuza wabaye Visi Perezida wa Amerika.Nyuma y’aho Harris yasubiye mu Calfonia yiga amategeko mu ishuri rya Calfonia Hastings.
Muri 2021v , Kamala Harris yabaye Umunyamategeko Mukuru w’Umujyi wa Calfonia, aca ako gahigo nk’umugore w’Umwirabura wa Mbere ubigezeho no muri Asia.Muri iki gihe nibwo yahuye n’Umuhungu wa Joe Biden witwa Beau, bari inshuti magara.Muri 2014 nibwo yahise ashakana na Doug Emhoff.
UKO KAMALA HARRIS YAGEZE MURI POLITIKE.
Muri 2015 nyuma yo gukora ubukwe, Kamala Harris yiyamamarije kuba Senateri muri Calfonia ashaka gusimbura uwari umazeho igihe witwaga Barbara Boxer.Muri icyo gihe Perezida Barack Obama wari Perezida na Joe Biden wari Visi Perezida baramufashije.
Joe Biden amaze gutorerwa kuba Perezida wa Amerika , yahisemo Kamala Harris ngo ariwe umubera Visi Perezida na cyane ko yari inshuti magara n’umuhungu we.Biden ntabwo byatinze kuko yanaje gutangaza ko guhitamo Kamala Harris ari amahitamo meza yakoze.Harris yarahiye muri 2021 aba aciye ako gahigo gutyo.
Kuri ubu Perezida Joe Biden wahagaritse ibikorwa byo kwiyamamariza kuba Perezida wa Leta Zunze ubumwe za Amerika, niwe yashyizeho nk’umukandida uharariye ishyaka ryabo ku mwanya w’umukuru w’igihugu.
Uyu Kamala Harris wabaye Vice president wambere w’umugore muri Leta Zunze ubumwe za Amerika ashobora no kuba Perezida wambere w’umugore uyoboye Leta Zunze ubumwe za Amerika mu gihe yatorwa.
