Abahanzi 10 bakize kurusha abandi ku isi

Mu isi y’umuziki, hari abahanzi bamenyekanye cyane kubera impano zabo n’ubushobozi bwabo ndetse bubafasha  gukorera amafaranga menshi. Muri iyi nkuru  turagaruka ku bahanzi 10 bakize kurusha abandi ku isi muri uyu mwaka wa 2024.

1. Jay-Z: Jay-Z, w’umunyamerika, ni umwe mu bahanzi b’inararibonye kandi bakize cyane ku isi. Uretse umuziki, afite ishoramari mu bintu bitandukanye birimo imyenda, inzoga, n’ikoranabuhanga.

2. Paul McCartney: Paul McCartney w’umwongereza, wabaye umunyamuryango wa The Beatles, ni umwe mu bahanzi bakize cyane kubera umusanzu ukomeye yatanze mu muziki kuva mu myaka ya 1960.

3. Andrew Lloyd Webber: Umuhanga mu guhanga indirimbo zikora ku marangamutima, Andrew Lloyd Webber ni umwe mu bahanzi bakize cyane mu mwuga w’umuziki.

4. P. Diddy (Sean Combs) : P. Diddy ni umuhanzi ukomoka muri Amerika, akaba n’umushoramari ukomeye. Afite ishoramari muri muzika, imyenda, na serivisi z’inzoga.

5. Madonna: Madonna ni umwamikazi w’injyana ya Pop wamenyekanye cyane mu myaka ya 1980. Afite ubutunzi bwinshi bwaturutse ku muziki we, ibikorwa by’ubuhanzi, no gushora imari mu by’amafoto n’imideli.

6. Dr. Dre: Dr. Dre ni umuhanga mu gukora injyana ya hip-hop, akaba n’umushoramari ukomeye. Izina rye ryamenyekanye cyane kubera ibikorwa byo guhanga umuziki ndetse n’ibikoresho by’ikoranabuhanga mu muziki nka Beats by Dre.

7. Herb Alpert: Umunyamerika Herb Alpert ni umunyamuziki ndetse n’umushoramari ukomeye. Izina rye ryamamaye cyane muri jazz ndetse no mu bucuruzi bw’imiziki.

8. Celine Dion: Celine Dion, ukomoka muri Canada, ni umuhanzi w’icyamamare cyane mu njyana ya Pop, akaba yaragize uruhare runini mu gukorera amafaranga aturutse mu muziki we no mu bitaramo bikomeye.

9. Bono: Bono, umunyamuryango wa U2, ni umuhanzi w’umunya-Irland ukize cyane. Afite ishoramari mu muziki, ndetse no mu bikorwa by’ubugiraneza no gushora imari mu bindi bintu bitandukanye.

10. Rihanna: Rihanna, umuhanzi w’icyamamare mu njyana ya Pop na R&B, afitiye amafaranga menshi mu muziki, ubucuruzi bw’imyenda (Fenty), n’ibindi bikorwa byinshi by’ishoramari.

Benshi muri aba bahanzi n’ubwo bakize cyane babicyesha umuziki, bamwe batangiye kwita ku bindi bikorwa cyane kurenza uko bita ku bikorwa by’umuziki.